Islamonweb

അല്ലാഹുവിൻറെ തിരുനാമത്തിൽ, അവന് ആണ് സർവസ്തുതിയും, നബിയിലും കുടുംബത്തിലും അനുചരന്മാരിലും അല്ലാഹുവിൻറെ സ്വലാത്തും സലാമും സദാ വർഷിക്കട്ടെ .

 ഭാര്യ ജീവിച്ചിരിക്കെ തന്നെ അവളുടെ സഹോദരിയെ വിവാഹം കഴിക്കുന്നത് നിഷിദ്ധമാണ്. അല്ലാഹു പറയുന്നത് കാണുക "രണ്ട് സഹോദരികളെ സഹകളത്രങ്ങളാക്കുന്നതും(നിങ്ങൾക്ക് നിഷിദ്ധമാക്കപ്പെട്ടിരിക്കുന്നു) "(നിസാഅ്,23). അതിനാൽ, രണ്ടാമതായി നടന്ന വിവാഹം(ഭാര്യ സഹൊദരിയുടെ നികാഹ്) അസാധുവാണ്(മുഗ്നി). അസാധുവായ നികാഹിലൂടെ ജനിക്കുന്ന കുട്ടിക്ക് പിതൃ ബന്ധം സ്ഥിരപ്പെടില്ല. ഇവിടെ, ആദ്യ ഭാര്യയിലൂടെ ജനിച്ച പെൺകുട്ടി ഭാര്യ സഹോദരിയിലൂടെ ജനിച്ച ആൺകുട്ടിയെ വിവാഹം കഴിക്കുന്നതിൽ തെറ്റില്ലെങ്കിലും (സാധുവാകും) നല്ലതല്ല. വിവാഹം ശരിയാകാനുള്ള കാരണം  ഈ രണ്ടു കുട്ടികൾക്കിടയിൽ സഹോദര ബന്ധമില്ല എന്നതു തന്നെ. ഇവരണ്ടാളുകളും പരസ്പരം അന്യരാണ്. വിവാഹിതരാകുന്നതിന് മുമ്പ് കാണലും സ്പർശിക്കലും ഇവർക്ക് ഹറാമാണ്.  പ്രസ്തുത പിതാവ് മരിച്ചാൽ ഭാര്യ സഹോദരിക്കോ  ഭാര്യ സഹോദരിയുടെ മക്കൾക്കോ ഒന്നും അനന്തര സ്വത്തായി ലഭിക്കുകയും  ഇല്ല .

 കൂടുതൽ അറിയുവാനും അതനുസരിച്ച് പ്രവർത്തിക്കാനും അല്ലാഹു തൗഫീഖ് പ്രദാനം ചെയ്യട്ടെ