ഭാര്യയുടെ വല്യുമ്മാക്ക് വേണ്ടി ചെയ്യാൻ ഭാര്യ നിയ്യതാക്കിയ ഉംറ ഭര്‍ത്താവിന് ചെയ്യാമോ?

ചോദ്യകർത്താവ്

മുഹമ്മദ് സബീഖ്

Aug 25, 2016

CODE :

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രഹങ്ങള്‍ വര്‍ഷിച്ചുകൊണ്ടിരിക്കട്ടെ. ഏതൊരാള്‍ക്കും മരിച്ച മറ്റൊരാള്‍ക്ക് വേണ്ടിയും,  ഹജ്ജോ ഉംറയോ ചെയ്യാന്‍ ശാരീരികാസൌകര്യമുണ്ടൊവുകയും ഇനി മാറുമെന്ന് പ്രതീക്ഷയില്ലാതിരിക്കുകയും ചെയ്യുന്ന പക്ഷം അവരുടെ സമ്മതത്തോടെ ജീവിച്ചിരിക്കുന്നവര്‍ക്ക് വേണ്ടിയോ അവ ചെയ്യാവുന്നതാണെന്ന് മുമ്പ് നാം വിവരിച്ചതാണ്. പുനര്‍വായനക്ക് ഇവിടെ നോക്കുക. മേല്‍പറഞ്ഞവിധം ഒരാള്‍ക്ക് ചെയ്യാന്‍ വേണ്ടി മറ്റൊരാള്‍ കരുതിയത് കൊണ്ട് മാത്രം അത് അയാള്‍ക്ക് നിര്‍ബന്ധമാവുകയില്ല. മറിച്ച് അയാള്‍ക്ക് വേണ്ടി ചെയ്യാന്‍ നേര്‍ച്ചയാക്കിയാല്‍ മാത്രമേ അത് അയാളുടെ മേല്‍നിര്‍ബന്ധമാവുകയുള്ളൂ. കേവലം കരുതുക മാത്രമാണ് ചെയ്തതെങ്കില്‍ അത് ചെയ്യാനായി മറ്റുള്ളവരെ ഏല്‍പിക്കാവുന്നതാണ്. യഥാര്‍ത്ഥ വിശ്വാസികളായി ജീവിക്കാനും ഈമാനോടെ മരിക്കാനും നാഥന്‍ തുണക്കട്ടെ.

ASK YOUR QUESTION

Voting Poll

Get Newsletter