ഉംറ കഴിഞ്ഞാല്‍ മുടി കളഞ്ഞാണല്ലോ തഹല്ലുല്‍ ആവേണ്ടത്. ചിലര്‍ തലയുടെ മൂന്ന് ഭാഗത്ത് നിന്ന് അല്‍പാല്‍പം മുടി എടുക്കുന്നത് കാണാം. ഇത് ശരിയാണോ?

ചോദ്യകർത്താവ്

awaad kvm

Aug 25, 2016

CODE :

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രങ്ങള്‍ വര്‍ഷിച്ചുകൊണ്ടിരിക്കട്ടെ. ഹജ്ജ് ഉംറ എന്നിവക്ക് ഇഹ്റാം ചെയ്യുന്നതിലൂടെ അത് വരെ അനുവദനീയമായിരുന്ന പല കാര്യങ്ങളും നിഷിദ്ധമായിത്തീരുന്നു. കര്‍മ്മങ്ങള്‍ പൂര്‍ത്തിയാക്കി  ഇഹ്റാം അവസാനിപ്പിക്കുന്നതിനെയാണ് തഹല്ലുല്‍ എന്ന് പറയുന്നത്. മുടി നീക്കം ചെയ്യുന്നതിലൂടെയാണ് ഇത് ഉണ്ടായിത്തീരുന്നത്. മുടി നീക്കം ചെയ്യുക എന്നതിന് വിവിധ രൂപങ്ങളുണ്ട്. പുരുഷനെ സംബന്ധിച്ചിടത്തോളം മുടി പൂര്‍ണ്ണമായും വടിച്ചു കളയലാണ് ഏറ്റവും ഉത്തമം. മുടി പൂര്‍ണ്ണമായും വടിച്ചുകൊണ്ട് തഹല്ലുല്‍ ആകുന്നവര്‍ക്ക് അനുഗ്രഹം ഉണ്ടാവാനായി പ്രവാചകര്‍ (സ) മൂന്ന് പ്രാവശ്യം നടത്തിയ പ്രാര്‍ത്ഥന ഹദീസുകളില്‍ പ്രസിദ്ധമാണ്. എന്നാല്‍, മുടി നീക്കം ചെയ്യുക എന്നതിന്റെ ഏറ്റവും ചുരുങ്ങിയ രൂപം തലയിലെ ഏതെങ്കിലും ഭാഗത്ത് നിന്ന് മൂന്ന് മുടി നീക്കം ചെയ്യലാണെന്നും അത് കൊണ്ട് അങ്ങനെ ചെയ്താലും തഹല്ലുല്‍ ആയിത്തീരുമെന്നുമാണ് കര്‍മ്മശാസ്ത്ര ഗ്രന്ഥങ്ങള്‍ പറയുന്നത്. മുടി പറിച്ചു കളയലും കരിച്ചു കളയലും നീക്കം ചെയ്യലിന്റെ  മറ്റു രൂപങ്ങളായതിനാല്‍ അതും പരിഗണിക്കപ്പെടുന്നതാണ്. കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.

ASK YOUR QUESTION

Voting Poll

Get Newsletter