Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വ സ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രങ്ങള്‍ വര്‍ഷിച്ചുകൊണ്ടിരിക്കട്ടെ സുന്നത് നിസ്കരിക്കുന്നവനോട് ഫര്‍ള് നിസ്കരിക്കുന്നവന് തുടരാവുന്നതാണ്, നിസ്കാരവും തുടര്‍ച്ചയും ശരിയാവുകയും ചെയ്യും. അതേ വിധി തന്നെയാണ് ഇശാ നിസ്കരിക്കുന്നവന്‍ തറാവീഹ് നിസ്കരിക്കുന്നവനോട് തുടരുന്നിടത്തും. പ്രത്യക്ഷത്തില്‍ രൂപവ്യത്യാസമില്ലാത്ത ഏത് നിസ്കാരത്തോടും തുടരാവുന്നതാണ്. എന്നാല്‍, ഇങ്ങനെ തുടരുന്നതിലൂടെ ജമാഅതിന്റെ പ്രതിഫലം ലഭിക്കില്ലെന്നതാണ് പ്രബലാഭിപ്രായം. സുന്നത് നിസ്കരിക്കുന്നവനോട് തുടരുന്നതിനേക്കാള്‍ ഉത്തമം ഒറ്റക്ക് നിസ്കരിക്കുന്നതാണ് എന്നാണ് പണ്ഡിതര്‍ പ്രബലമാക്കുന്നത്. അതേസമയം, ഇശാനിസ്കരിക്കുന്നവര്‍ ഒന്നില്‍ കൂടുതലുണ്ടെങ്കില്‍ അവര്‍ ജമാഅതായി ഇശാഅ് നിസ്കരിക്കുകയാണ് വേണ്ടത്. ഈ രൂപത്തില്‍ ഒരേ സമയം രണ്ട് ജമാഅത് വരുന്നതില്‍ കുഴപ്പമില്ല. കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.