ആരാധനാലയങ്ങളില്‍ മതം നോക്കാതെ സ്ത്രീ പ്രവേശനം; ഹരജി തള്ളി ഹൈക്കോടതി
പ്രായമോ മതമോ പരിഗണിക്കാതെ സ്ത്രീകളെ ആരാധനാലയങ്ങളില്‍ പ്രവേശിപ്പിക്കണമെന്ന ഹരജി ഡല്‍ഹി ഹൈക്കോടതി തള്ളി.
ചീഫ് ജസ്റ്റിസ് രാജേന്ദ്രമേനോന്‍, ജസ്‌ററിസ് വി.കെ റാവു എന്നിവരുള്‍പ്പെട്ട ബെഞ്ചാണ് ഹരജി തള്ളിയത്.
ക്ഷേത്രങ്ങളിലും മുസ് ലിം പള്ളികളിലും ചര്‍ച്ചിലും മറ്റു ആരാധനാലയങ്ങളിലും മതമോ പ്രായമോ നോക്കാതെ സ്ത്രീകള്‍ക്ക് പ്രവേശനം അനുവദിക്കണമെന്നായിരുന്നു ഹരജിക്കാരന്റെ പ്രധാന ആവശ്യം.
ഹരജിയില്‍ പറയുന്ന ആരാധനാലയങ്ങള്‍ തങ്ങളുടെ പരിധിയില്‍ വരുന്നതല്ലെന്ന് ചൂണ്ടിക്കാട്ടിയാണ് കോടതി ഹരജി തള്ളിയത്.
അഡ്വ.സഞ്ജീവ് കുമാറാണ് ഹരജി നല്‍കിയിരുന്നത്.
ആര്‍ത്തവകാലത്തുള്‍പ്പടെ സ്ത്രീകളെ മതപരിഗണനയില്ലാതെ ക്ഷേത്രത്തില്‍ പ്രവേശിപ്പിക്കുക,പൂജാരി,ഇമാം,വികാരി എന്നീ സ്ഥാനങ്ങളില്‍ സ്ത്രീകളെ നിയമിക്കുക തുടങ്ങിയ ആവശ്യങ്ങളും ഹരജിയിലുണ്ടായിരുന്നു.
.jpg)
Leave A Comment