അന്തരീക്ഷ മലിനീകരണം അമ്പതു കഴിഞ്ഞവരുടെ ബുദ്ധിയെ ബാധിക്കുമെന്ന് പഠനം
അന്തരീക്ഷത്തിലെ വായു മലിനീകരണം അമ്പതു വയസ്സു കഴിഞ്ഞവരുടെ ബുദ്ധിയെ ബാധിക്കുമെന്ന് പുതിയ പഠനം. സതേണ്‍ കാലിഫോര്‍ണിയ സര്‍വകലാശാല നടത്തിയ ഗവേഷണമാണ് പുതിയ വെളിപ്പെടുത്തല്‍ നടത്തിയിരിക്കുന്നത്. അന്തരീക്ഷ മലിനീകരണം കൂടിയ പ്രദേശത്തെ ആളുകള്‍ക്ക് കുറഞ്ഞ പ്രദേശത്തെ ആളുകളേക്കാള്‍ ബുദ്ധിയില്‍ തകരാറ് സംഭവിക്കുന്നുവെന്നാണ് പഠനം വെളിപ്പെടുത്തുന്നത്.
50 വയസ്സ് കഴിഞ്ഞവരുടെ തലച്ചോറന്‍റെ പ്രവര്‍ത്തനത്തില്‍ വായുമലിനീകരണം പ്രതീക്ഷിക്കാത്ത തരത്തില്‍ സ്വാധീനം ചെലുത്തുവന്നുവെന്നാണ് മനസ്സിലായത്- പഠനത്തിന് നേതൃത്വം നല്‍കിയ കാലിബ് ഫിന്‍ച് പറഞ്ഞു. 50 തികഞ്ഞ സ്ത്രകളും പുരുഷരുമടങ്ങുന്ന 15000 പേരില്‍നടത്തിയ പരീക്ഷണത്തിലൊടുവിലാണ് സംഘം തങ്ങളുടെ റിപ്പോര്‍ട്ടു പുറത്തുവിട്ടിരിക്കുന്നത്. വയസ്സ്, ശാരീരിക ക്ഷമത, പുകവലി ശീലം തുടങ്ങി നിരവധി കാര്യങ്ങള്‍ പരിഗണിച്ചാണ് ഗവേഷണഫലം പുറത്തുവിട്ടിരിക്കുന്നത്.
.jpg)
Leave A Comment