വിഷയം: നോമ്പിന്റെ മുദ്ദ്
ഗർഭം കാരണം എനിക്ക് ഏഴ് നോമ്പ് നോൽക്കാൻ സാധിച്ചിരുന്നില്ല. ഒരു റമളാൻ കഴിഞ്ഞു. പിറ്റേ റമളാനും കഴിഞു. ഇനി, നോമ്പ് നോൽക്കാൻ എത്ര മുദ്ദ് കൊടുക്കേണ്ടതുണ്ട് ?
ചോദ്യകർത്താവ്
Aysha
Feb 17, 2026
CODE :Oth16084
അല്ലാഹുവിന്റെ തിരുനാമത്തില്, അവന് ആണ് സര്വ്വ സ്തുതിയും, പ്രവാചകരുടെയും കുടുംബത്തിന്റെയും മേല് അല്ലാഹുവിന്റെ അനുഗ്രങ്ങള് വര്ഷിച്ചുകൊണ്ടിരിക്കട്ടെ
ശാഫി മദ്ഹബ് അനുസരിച്ച്, ഗർഭകാലത്ത് സ്വന്തം ആരോഗ്യപ്രശ്നങ്ങൾ (ക്ഷീണം, അസുഖം) കാരണമാണ് നിങ്ങൾ നോമ്പ് ഒഴിവാക്കിയതെങ്കിൽ ആ നോമ്പുകൾ പിന്നീട് നോറ്റ് വീട്ടിയാൽ (ഖളാഅ്) മാത്രം മതിയാകും, തുടക്കത്തിൽ മുദ്ദ് നൽകേണ്ടതില്ല. എന്നാൽ, നിങ്ങളുടെ നോമ്പ് ഗർഭസ്ഥ ശിശുവിന്റെ ആരോഗ്യത്തെ ബാധിക്കുമെന്ന് കരുതി മാത്രം (ഉദാഹരണത്തിന് കുഞ്ഞിന് പോഷണം ലഭിക്കില്ലെന്ന പേടി) നോമ്പ് ഉപേക്ഷിച്ചതെങ്കിൽ, ഓരോ നോമ്പിനും പകരമായി ഒരു മുദ്ദ് വീതം നൽകുകയും ഒപ്പം ആ നോമ്പ് നോറ്റ് വീട്ടലും നിർബന്ധമാണ്.
ഇനി നിങ്ങൾ ചോദിച്ചതുപോലെ സമയം വൈകിയാലുള്ള (തഅ്ഖീർ) വിധിയനുസരിച്ച്, ഒരു റമദാനിൽ നഷ്ടപ്പെട്ട നോമ്പ് അടുത്ത റമദാൻ എത്തുന്നതിന് മുമ്പ് മതിയായ കാരണങ്ങളൊന്നുമില്ലെങ്കിൽ നോറ്റ് തീർക്കേണ്ടതുണ്ട്. അതിൽ വീഴ്ച വരുത്തി അടുത്ത റമദാനും കഴിഞ്ഞുപോയാൽ, ഓരോ വർഷം വൈകുന്നതിനും ഓരോ നോമ്പിനും പകരമായി ഓരോ മുദ്ദ് വീതം അധികമായി നൽകേണ്ടി വരും. ഒരു മുദ്ദ് എന്നത് ഏകദേശം 750 ഗ്രാം അരിയാണ്.
ഈമാനോടെ ജീവിക്കാനും ഈമാനോടെ മരിക്കാനും നാഥന് തുണക്കട്ടെ
