അസം മുൻ മുഖ്യമന്ത്രി സൈദ അന്‍വാര തൈമൂർ അന്തരിച്ചു
ഗുവാഹത്തി : അസമിലെ മുന്‍ മുഖ്യമന്ത്രിയും മുതിർന്ന രാഷ്ട്രീയ നേതാവുമായ സൈദ അന്‍വാര തൈമൂര്‍ (83) അന്തരിച്ചു. മകനോടൊപ്പം ഓസ്ട്രേലിയയിൽ കഴിയുകയായിരുന്ന അസമില്‍ മുഖ്യമന്ത്രിയായിട്ടുള്ള ഏക വനിതയും മുസ്‌ലിമുമായ തൈമൂറിന്റെ അന്ത്യം ഹൃദയാഘാതത്തെത്തുടര്‍ന്നാണ്.
1980 ഡിസംബര്‍ മുതല്‍ 1981 ജൂണ്‍ വരെ കോണ്‍ഗ്രസ് മുഖ്യമന്ത്രിയായിരുന്നു. 4 പ്രാവശ്യം നിയമസഭയിലേക്കു തിരഞ്ഞെടുക്കപ്പെട്ട തൈമൂര്‍ പൊതുമരാമത്ത്, കൃഷി വകുപ്പുകളുടെ മന്ത്രിയുമായിരുന്നു. രാജ്യസഭാംഗവുമായിട്ടുണ്ട്. 2011ല്‍ കോണ്‍ഗ്രസ് വിട്ട് എഐയുഡിഎഫിലെത്തി. രാഷ്ട്രീയത്തിലെത്തും മുന്‍പ് കോളജ് അധ്യാപികയായിരുന്നു.
രാജ്യത്ത് ഏറെ വിവാദമായ പൗരത്വ റജിസ്റ്ററിൽ 2018ല്‍ (എന്‍സിആര്‍) തൈമൂറിന്റെ പേര് പുറത്തായതു വിവാദമായിരുന്നു.
Leave A Comment