Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രഹങ്ങള്‍ വര്‍ഷിച്ചുകൊണ്ടിരിക്കട്ടെ. മരണത്തിന് മുമ്പായി ഇങ്ങനെ എഴുതി വെക്കുന്നതിനെ വസ്വിയ്യത് എന്നാണ് കര്‍മ്മശാസ്ത്രം വിളിക്കുന്നത്. ഇത്തരത്തില്‍ ഒരു പിതാവ് തന്റെ സ്വത്ത് മുഴുവന്‍ ഒരു മകന് എഴുതിവെച്ചാല്‍ അനന്തരവകാശികള്‍ അംഗീകരിക്കുന്ന പക്ഷം അത് വസ്വിയ്യതായി പരിഗണിക്കപ്പെടുന്നതാണ്. ഇത്തരം വസിയതുകള്‍ നടപ്പിലാകണമെങ്കില്‍ വസ്വിയത് ചെയ്തയാള്‍ മരിച്ച ശേഷം മറ്റു അവകാശികള്‍ അത് സമ്മതിച്ചിരിക്കണം. അനന്തരാവകാശികള്‍ക്കുള്ള ഏതൊരു വസ്വിയത്തിന്‍റെയും സാധുത മറ്റു അവകാശികളുടെ സമ്മതത്തെ ആശ്രയിച്ച് മാത്രം നിലനില്‍ക്കുന്നതാണെന്ന് ഫത്ഹുല്‍ മുഈന്‍ ഉള്‍പ്പെടെയുള്ള ഗ്രന്ഥങ്ങളില്‍ കാണാവുന്നതാണ്. മേല്‍പറഞ്ഞ രൂപത്തില്‍ മറ്റു അവകാശികള്‍ സമ്മതിക്കാതിരുന്നാല്‍ തന്നെ അത് സാധുവാകാതെ വരും. കൂട്ടത്തില്‍ ബുദ്ധിസ്ഥിരത ഇല്ലാത്ത ആള്‍ സമ്മതിച്ചാല്‍ പോലും അയാളുടെ സമ്മതം പരിഗണിക്കപ്പെടുന്നതല്ല, ആയതിനാല്‍ അയാളുടെ അവകാശം അദ്ദേഹത്തിന് തന്നെ നല്‍കുകയോ ബുദ്ധിസ്ഥിരത ഉണ്ടാവുന്നത് വരെ കാത്തിരിക്കുകയോ ചെയ്യേണ്ടി വരും. പെണ്‍മക്കള്‍ക്ക് മാത്രമായി എഴുതിവെക്കുന്നിടത്തും ഇത് തന്നെയാണ് വിധി. ഖുര്‍ആനിനെ കൂടുതല്‍ അടുത്തറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.