Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രഹങ്ങള്‍ വര്‍ഷിച്ചുകൊണ്ടിരിക്കട്ടെ. ലാഭത്തിലും നഷ്ടത്തിലും ഒരു പോലെ പങ്കാളിയാകുമ്പോഴാണ്, പങ്കുചേര്‍ന്നുള്ള കച്ചവടം അനുവദനീയമാവുന്നത്. ചോദ്യത്തില്‍ പറഞ്ഞരൂപത്തില്‍, എട്ടിലൊരു ഭാഗമാണ് താങ്കളുടെ സുഹൃത്തിന് ആ കച്ചവടത്തില്‍ ഉടമസ്ഥതയുള്ളത്. ആ വിഹിതത്തിന് ലാഭത്തിന്റെ എത്ര ശതമാനമാണ് നല്‍കുക എന്ന് പ്രത്യേകം പറഞ്ഞിട്ടില്ലെങ്കില്‍, ഓരോ സമയത്തും ലഭിക്കുന്ന ലാഭത്തിന്‍റെ എട്ടിലൊന്ന് നല്‍കേണ്ടതാണ്. കച്ചവടം നഷ്ടത്തിലാണെങ്കില്‍, സംഭവിക്കുന്ന നഷ്ടത്തിന്‍റെ എട്ടിലൊന്നും അദ്ദേഹം വഹിക്കേണ്ടതാണ്. പങ്ക് കൂടുന്ന സമയത്ത് കച്ചവടം ലാഭത്തിലാണെന്നതോ നഷ്ടത്തിലാണെന്നതോ നോക്കേണ്ടതില്ല. ലാഭാമായാലും നഷ്ടമായാലും അതൊന്നും ബാധകമാകാതെ നിശ്ചിത തുക ലാഭമായി മാസംതോറും നല്‍കുന്നുവെങ്കില്‍ അത്തരം കച്ചവടം സാധുവല്ലെന്ന് മുമ്പ് നാം വിശദമായി പറഞ്ഞത് ഇവിടെ വായിക്കാവുന്നതാണ്. ഏറ്റവും അറിയുന്നവന്‍ അല്ലാഹുവാണ്. ദൈനംദിന ഇടപാടുകള്‍ ഹലാലായ രീതിയില്‍ നടത്താന്‍ നാഥന്‍ സഹായിക്കട്ടെ.