വിഷയം: കൂപ്പണും പ്രൈസും
ഗൾഫിലൊക്കെ സൂപ്പർമാർക്കറ്റുകളും മറ്റും സാധനങ്ങൾ വാങ്ങിക്കുമ്പോൾ കൂപ്പൺ നൽകുകയും അത് പൂരിപ്പിച്ചു ഇടുന്നവരിൽ നിന്ന് തെരെഞ്ഞെടുക്കുന്നവർക്കു കാറും പൈസയും ഒക്കെ നറുക്കെടുപ്പിലൂടെ നൽകാറും ഉണ്ടല്ലോ . ആ കൂപ്പൺ പൂരിപ്പിച്ചു ഇടലും അഥവാ കിട്ടിയാൽ അവ വാങ്ങിക്കലും അനുവദനീയമാണോ ?
ചോദ്യകർത്താവ്
Ihsan
Oct 18, 2026
CODE :Fin16557
അല്ലാഹുവിന്റെ തിരുനാമത്തില്‍, അവന് ആണ് സര്‍വ്വ സ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രങ്ങള്‍ വര്‍ഷിച്ചുകൊണ്ടിരിക്കട്ടെ
ഗൾഫ് രാജ്യങ്ങളിലെ സൂപ്പർമാർക്കറ്റുകളിൽ നിന്ന് സാധനങ്ങൾ വാങ്ങുമ്പോൾ സൗജന്യമായി ലഭിക്കുന്ന കൂപ്പണുകൾ വഴി നറുക്കെടുപ്പിൽ പങ്കെടുക്കുന്നതും സമ്മാനങ്ങൾ നേടുന്നതും അനുവദനീയമാണ്. സാധനങ്ങളുടെ സാധാരണ വില മാത്രം നൽകി വാങ്ങുന്ന ഇത്തരം കൂപ്പണുകൾ കച്ചവടം കൂട്ടാനുള്ള ഒരു പ്രമോഷൻ തന്ത്രം മാത്രമാണ്. എന്നാൽ, കൂപ്പൺ ലഭിക്കുന്നതിനായി സാധനങ്ങളുടെ വിലയ്ക്കു പുറമെ ഉപഭോക്താവിൽ നിന്ന് പ്രത്യേക തുക ഈടാക്കുന്നുണ്ടെങ്കിൽ അത് ചൂതാട്ടമായി മാറുകയും ചെയ്യും
കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ
