Islamonweb

അല്ലാഹുവിന്റെ തിരുനാമത്തില്‍, അവന് ആണ്  സര്‍വ്വ സ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രങ്ങള്‍ വര്‍ഷിച്ചുകൊണ്ടിരിക്കട്ടെ

വിവാഹത്തിനു മുമ്പ് പ്രതിശ്രുത വധുവിനോട് നേരിട്ട് സംസാരിക്കുന്നത് നല്ലതല്ല. താങ്കൾ സംസാരിക്കാറില്ലെന്നും പറഞ്ഞുവല്ലോ. അല്ലാഹു അനുഗ്രഹിക്കട്ടെ. പുതിയൊരു ജീവിത ഘട്ടത്തിലേക്ക് കടക്കുമ്പോൾ മനസ്സിൽ ഭയവും പരിഭ്രമവും ഉണ്ടാകുന്നത് തികച്ചും സ്വാഭാവികമാണ്. ഇതുവരെ സംസാരിച്ചിട്ടില്ലാത്ത ഒരു വ്യക്തിയുമായി ജീവിതം പങ്കിടാൻ തുടങ്ങുമ്പോൾ നാളെയെക്കുറിച്ചുള്ള അനിശ്ചിതത്വവും ഉത്തരവാദിത്തങ്ങളെക്കുറിച്ചുള്ള ചിന്തകളുമാണ് ഈ ആശങ്കയ്ക്ക് കാരണം. ഈ ഭയം നിങ്ങളുടെ മാത്രം പ്രശ്നമല്ലെന്നും, കല്യാണം കഴിക്കാൻ പോകുന്ന ഭൂരിഭാഗം ആളുകളും കടന്നുപോകുന്ന തികച്ചും സാധാരണമായ ഒരു വികാരമാണെന്നും ആദ്യം തിരിച്ചറിയുക.

ആദ്യ ദിവസം തന്നെ എല്ലാം പൂർണ്ണമാകണമെന്നോ പരസ്പരം പൂർണ്ണമായി മനസ്സിലാക്കണമെന്നോ നിർബന്ധമില്ല. ദാമ്പത്യം എന്നത് പരസ്പരം തിരിച്ചറിഞ്ഞും വിട്ടുവീഴ്ചകൾ ചെയ്തും ഒരുമിച്ച് വളരേണ്ട സുന്ദരമായ ഒരു യാത്രയാണ്. ഈ ഭയം മാറാൻ ഏറ്റവും അനുയോജ്യമായ വഴി മനസ്സിന് അനാവശ്യമായ സമ്മർദ്ദം നൽകാതിരിക്കുകയാണ്. മുൻകൂട്ടി കൂട്ടിക്കിഴിച്ചുള്ള ചിന്തകളും മറ്റുള്ളവരുടെ അനുഭവങ്ങൾ വെച്ചുള്ള നിഗമനങ്ങളും മാറ്റിവെച്ച്, തുറന്ന മനസ്സോടെ ആ വ്യക്തിയെ സമീപിക്കാൻ തയ്യാറാവുക.  നിക്കാഹ് കഴിഞ്ഞ് പരസ്പരം സംസാരിച്ചു തുടങ്ങുമ്പോൾ തന്നെ ഈ അപരിചിതത്വം മെല്ലെ മാറിപ്പോകും. 

ഇതിനെല്ലാം മുമ്പ് പടച്ചവനായ അല്ലാഹുവിനോട് മനമുരികി ദുആ ചെയ്യുകയും വേണം. ദാമ്പത്തിക ജീവിതം സുഖകരമാകാനും അവന്‍റെ പൊരുത്തത്തിലുള്ളതാകാനുമായി അവനോട് യാചിക്കണം. മനസ്സിലെ ഭയം മാറി സന്തോഷവും സമാധാനവും നിറഞ്ഞ നല്ലൊരു ദാമ്പത്യജീവിതം നിങ്ങൾക്ക് ഉണ്ടാകട്ടെ എന്ന് ആശംസിക്കുന്നു

ഈമാനോടെ ജീവിക്കാനും ഈമാനോടെ മരിക്കാനും നാഥന്‍ തുണക്കട്ടെ