വിഷയം: ഗീബത്
ഒരു സംഘടനയെ കുറിച്ച് ഒരു വാർത്ത വന്നു. ആ വാർത്തയുടെ അടിസ്ഥാനത്തിൽ തെറ്റിദ്ധാരണ വന്നു. അതിന്റെ തലപ്പത്ത് ഇരിക്കുന്നവരെ കുറ്റം പറഞ്ഞു. പിന്നീട് അത് അങ്ങനെ അല്ല എന്ന് തെളിഞ്ഞു. പക്ഷേ ഞാൻ കുറ്റപ്പെടുത്തിയത് അവർ അറിഞ്ഞില്ല. അപ്പോൾ പൊരുത്തം ചോദിക്കണോ? അന്യ മതസ്ഥർ ആണെങ്കിലോ?
ചോദ്യകർത്താവ്
Anonymous
Jul 9, 2026
CODE :Fat16381
അല്ലാഹുവിന്റെ തിരുനാമത്തില്, അവന് ആണ് സര്വ്വ സ്തുതിയും, പ്രവാചകരുടെയും കുടുംബത്തിന്റെയും മേല് അല്ലാഹുവിന്റെ അനുഗ്രങ്ങള് വര്ഷിച്ചുകൊണ്ടിരിക്കട്ടെ
തെറ്റിദ്ധാരണയുടെ പേരിൽ ഒരാളെ കുറ്റപ്പെടുത്തുകയും എന്നാൽ ആ വിവരം അവർ അറിയാതിരിക്കുകയും ചെയ്താൽ, അവരോട് നേരിട്ട് പോയി സംസാരിച്ച് മനസ്സിൽ പുതിയ സങ്കടമോ ശത്രുതയോ ഉണ്ടാക്കേണ്ടതില്ല. ആ വ്യക്തി അത് അറിഞ്ഞിട്ടില്ലെങ്കിൽ നേരിട്ട് പൊരുത്തപ്പെടൽ ചോദിക്കുന്നതിനേക്കാൾ, ചെയ്ത തെറ്റിന് അല്ലാഹുവിനോട് ആത്മാർത്ഥമായി തൗബ ചെയ്യുകയാണ് വേണ്ടത്. ഒപ്പം, ആരുടെയൊക്കെ മുന്നിൽ വെച്ചാണോ അവരെ കുറ്റപ്പെടുത്തിയത് അവരുടെ മുന്നിൽ വെച്ച് സത്യം വ്യക്തമാക്കി ആ വ്യക്തികളുടെ നല്ല പേര് വീണ്ടെടുക്കുകയും അവർക്കായി ദുആ ചെയ്യുകയും വേണം. കുറ്റപ്പെടുത്തിയത് അന്യമതസ്ഥരാണെങ്കിലും ഇതേ രീതിയിൽ തന്നെ അവരുടെ തെറ്റിദ്ധാരണ മറ്റുള്ളവരുടെ മുന്നിൽ തിരുത്തിക്കൊടുക്കുകയും അല്ലാഹുവിനോട് മാപ്പിരക്കുകയും ചെയ്യുകയാണ് വേണ്ടത്.
ഈമാനോടെ ജീവിക്കാനും ഈമാനോടെ മരിക്കാനും നാഥന് തുണക്കട്ടെ
