വിഷയം: സുജൂദ്
നാല് റക്അത്തുള്ള ഒരു നിസ്കാരത്തിൽ, താൻ നാലാണോ അഞ്ചാണോ നിസ്കരിച്ചത് എന്ന് ഒരാൾക്ക് സംശയമുണ്ടായി. സഹ്വിന്റെ സുജൂദ് ചെയ്യേണ്ടതായിരുന്നുവെങ്കിലും അയാൾക്കത് ചെയ്യാൻ മറന്നുപോയി. എങ്കിൽ ആ നിസ്കാരം മടക്കി നിർവ്വഹിക്കൽ നിർബന്ധമാണോ? വ്യക്തമാക്കാമോ?
ചോദ്യകർത്താവ്
Thwalha
May 16, 2026
CODE :Pra16284
അല്ലാഹുവിന്റെ തിരുനാമത്തില്, അവന് ആണ് സര്വ്വ സ്തുതിയും, പ്രവാചകരുടെയും കുടുംബത്തിന്റെയും മേല് അല്ലാഹുവിന്റെ അനുഗ്രങ്ങള് വര്ഷിച്ചുകൊണ്ടിരിക്കട്ടെ
നിസ്കാരത്തിൽ റക്അത്തുകളുടെ എണ്ണത്തിൽ സംശയം വന്നാൽ എപ്പോഴും കുറഞ്ഞ എണ്ണം (ഇവിടെ 4 റക്അത്ത്) ഉറപ്പായി എടുക്കുകയും, ബാക്കി പൂർത്തിയാക്കി സഹ്വിന്റെ സുജൂദ് ചെയ്യുകയുമാണ് വേണ്ടത്. സഹ്വിന്റെ സുജൂദ് എന്നത് ഒരു സുന്നത്തായ കാര്യമാണ്. ആയതിനാൽ സുജൂദ് ചെയ്യാൻ മറന്നാൽ നിസ്കരാം മടക്കേണ്ടതില്ല.
ഈമാനോടെ ജീവിക്കാനും ഈമാനോടെ മരിക്കാനും നാഥന് തുണക്കട്ടെ
