വിഷയം: ജനാബത് കുളി
ജനാബത് കുളിക്കുമ്പോൾ ചെവിയുടെ ഉൾഭാഗത്ത് (ദ്വാരത്തിൽ) നിർബന്ധമായും വെള്ളം ഒഴിക്കണോ? കൈകൊണ്ട് ചെവി തടവുകയോ നനയ്ക്കുകയോ ചെയ്താൽ പോരാ, അകത്തേക്ക് വെള്ളം ഒഴിച്ച് 'ഈ' എന്ന ശബ്ദം കേൾക്കത്തക്കവിധം വെള്ളം എത്തണമെന്ന് ഒരു പ്രസംഗത്തിൽ കേട്ടു. ഇസ്ലാമിക കർമ്മശാസ്ത്ര പ്രകാരം ഇത് ശരിയാണോ?
ചോദ്യകർത്താവ്
rafeeque
Nov 22, 2026
CODE :Dai16603
بسم الله الرحم الرحيم الحمد لله رب العالمين والصلاة والسلام على سيدنا محمد وعلى آله وصحبه أجمعين أما بعد
ശരീരം മുഴുവൻ വെള്ളം എത്തിക്കുക എന്നതിന്റെ ഭാഗമായി ചെവിയുടെയും ചെവിക്കുഴിയുടെയും പുറംഭാഗം (പ്രത്യക്ഷത്തിൽ കാണുന്ന ഭാഗങ്ങൾ) മാത്രമാണ് കഴുകൽ നിർബന്ധമുള്ളത്. അതിന് തല അൽപം ചെരിച്ച് ചെവിക്കുഴിയുടെ മുകളിലൂടെ വെള്ളം കടത്തിവിടുകയും കൈകൊണ്ട് ചെവി ഒന്ന് അനക്കുകയും ചെയ്താൽ മതിയാകും. ഉള്ളിലേക്ക് വെള്ളം ഒഴിച്ചുകയറ്റാൻ നിർബന്ധമില്ല. അമിതമായി ഇതിൽ ഇടപെടുകയും ചെവിക്കുഴിയുടെ അടിത്തട്ട് വരെ വെള്ളം എത്തുംവിധം ഒഴിച്ചുകൊടുക്കുകയും ചെയ്താൽ ചെവി സംബന്ധമായ പ്രശ്നങ്ങൾ ഉണ്ടാകുമെന്നാണ് പഠനങ്ങൾ വ്യക്തമാക്കുന്നത്.
والله أعلم بالصواب


