പൗരത്വ ഭേദഗതി നിയമത്തിനെതിരെ ന്യൂസിലൻഡിൽ പ്രതിഷേധം
ഓക്ലന്‍ഡ്: കോവിഡ് മഹാമാരിയുടെ വ്യാപനത്തെ തുടർന്ന് നിർത്തി വെച്ച ഇന്ത്യയിലെ പൗരത്വ ഭേദഗതി നിയമത്തിനെതിരെയുള്ള സമരം പുനരാരംഭിച്ച് ന്യൂസിലാൻഡിലെ ഇന്ത്യക്കാർ.
ന്യൂസിലാന്‍ഡില്‍ ജനജീവിതം സാധാരണഗതിയിലേക്ക് തിരിച്ചെത്തിയതോടെയാണ് സമരം പുനരാരംഭിച്ചത്.
കോവിഡ് മൂലം ഇന്ത്യയില്‍ പ്രതിഷേധങ്ങൾ ഇല്ലാതായെങ്കിലും ന്യൂസിലാന്‍ഡില്‍ വീണ്ടും പ്രതിഷേധങ്ങളുയരുകയാണ്.
മലയാളികള്‍ ഉള്‍പ്പടെയുള്ള ഒരു പറ്റം ഇന്ത്യക്കാരാണ് ന്യൂസിലാന്‍ഡ് തലസ്ഥാനമായ വെല്ലിങ്ടണിലും ഓക്ലാന്‍ഡിലും പ്രതിഷേധവുമായി ഒത്തുകൂടിയത്. മോദി സര്‍ക്കാരിന്റെ ജനാധിപത്യ വിരുദ്ധ നടപടികള്‍ക്കെതിരെ പ്ലക്കാര്‍ഡുകളേന്തിയും മുദ്രാവാക്യങ്ങള്‍ ഉയര്‍ത്തിയുമാണ് ആള്‍കൂട്ടം ഒത്തുചേര്‍ന്നത്.
രാജ്യം കോവിഡ് മുക്തമായതോടെയാണ് പ്രതിഷേധ സമരങ്ങള്‍ക്ക് അനുമതി ലഭിച്ചത്. പൗരത്വ നിയമ ഭേദഗതി പിന്‍വലിക്കുക, വിദ്യാര്‍ഥികള്‍ക്കും മാധ്യമപ്രവര്‍ത്തകര്‍ക്കുമെതിരെ കൈകൊണ്ട നിയമ നടപടികള്‍ പിന്‍വലിക്കുക തുടങ്ങിയ മുദ്രാവാക്യങ്ങളുയര്‍ത്തിയായിരുന്നു പ്രതിഷേധം.
Leave A Comment