യമൻ യുദ്ധം: രണ്ടാഴ്ചത്തേക്ക് വെടിനിര്‍ത്തല്‍ പ്രഖ്യാപിച്ച്‌ സൗദി സഖ്യം
റിയാദ്: കൊറോണ വൈറസ് മഹാമാരി ലോകത്തുടനീളം പടർന്നുപിടിക്കുന്ന പശ്ചാത്തലത്തില്‍ അന്താരാഷ്ട്ര രാജ്യങ്ങൾ എല്ലാ തരത്തിലുള്ള ശത്രുതയും പോരാട്ടങ്ങളും അവസാനിപ്പിച്ച്‌ വൈറസിനെ നേരിടണമെന്നുള്ള ഐക്യരാഷ്ട്രസഭയുടെ നിര്‍ദേശം പരിഗണിച്ച് യമനില്‍ ഹൂതി വിമതരുമായുള്ള പോരാട്ടത്തിന് രണ്ടാഴ്ചത്തേക്ക് വെടിനിര്‍ത്തല്‍ പ്രഖ്യാപിച്ച്‌ സൗദി സഖ്യം . ഇന്ന് രാത്രി മുതല്‍ വെടിനിര്‍ത്തല്‍ പ്രാബല്യത്തില്‍ വരുമെന്നാണ് വിവരം.
സംഘര്‍ഷം അവസാനിപ്പിക്കുന്നതിന് യുഎന്നിന്‍റെ നേതൃത്വത്തില്‍ ചര്‍ച്ചകള്‍ നടത്തിവരുന്നുണ്ട് . ഇതിനായി യുഎന്‍ പ്രത്യേക സംഘത്തെ നിയോഗിച്ചു . ഈ സാഹചര്യത്തിലാണ് വെടിനിര്‍ത്തല്‍ പ്രഖ്യാപിച്ചിരിക്കുന്നത്. ഇറാൻ പിന്തുണയുള്ള ശിയാ വിഭാഗമായ ഹൂതികൾ യമനിലെ ഔദ്യോഗിക സർക്കാറിനെ അട്ടിമറിച്ച് തലസ്ഥാനമായ സൻആ പിടിച്ചടക്കിയതോടെയാണ് സൗദി യുടെ നേതൃത്വത്തിൽ യുദ്ധം ആരംഭിച്ചത്. മാസങ്ങൾ നീണ്ട സൈനിക നടപടികൾക്ക് ശേഷവും പക്ഷേ ഉദ്ദേശിച്ച ലക്ഷ്യം പൂർത്തിയാക്കാൻ സഖ്യത്തിനു സാധിച്ചിരുന്നില്ല.
Leave A Comment