ഡൽഹി കലാപം: സീതാറാം യെച്ചൂരിയെയും യോഗേന്ദ്ര യാദവിനെയും കുറ്റപ്പത്രത്തിൽ ഉൾപ്പെടുത്തി
സി.എ.എ വിരുദ്ധ പ്രക്ഷോഭകരോട് ഏതറ്റം വരെയും പോകാന്‍ നിര്‍ദേശിക്കുകയും പൗരത്വ ഭേദഗതി നിയമം മുസ്‌ലിംകള്‍ക്ക് എതിരാണെന്ന് പ്രചരിപ്പിച്ച്‌ അസംതൃപ്തി പരത്തുകയും സര്‍ക്കാറിനെ അപകീര്‍ത്തിപ്പെടുത്തിയെന്നുമുള്ള കുറ്റങ്ങളാണ് ഇവര്‍ക്കെതിരെ ആരോപിക്കുന്നത്. കലാപത്തില്‍ മൂന്ന് വിദ്യാര്‍ഥികളുടെ കേസുമായി ബന്ധപ്പെട്ട് ഡല്‍ഹി പൊലീസ് സമര്‍പ്പിച്ച അനുബന്ധ കുറ്റപത്രത്തിലാണ് രാഷ്ട്രീയ നേതാക്കളുടെ പേരുകളും ഉള്‍പ്പെടുത്തിയിരിക്കുന്നത്. ജെ.എന്‍.യു വിദ്യാര്‍ഥികളായ ദേവാഗംന കലിത, നതാഷ നര്‍വാള്‍, ജാമിയ വിദ്യാര്‍ഥി ഗുല്‍ഫിഷ ഫാത്തിമ എന്നിവരുടെ കേസുകളുമായി ബന്ധപ്പെട്ടാണ് ഇത്. മൂന്നു പേര്‍ക്കുമെതിരെ നിരവധി വകുപ്പുകള്‍ പ്രകാരമുള്ള കേസുകളാണ് നിലവില്‍ നടക്കുന്നത്. ഇവരാണ് നേതാക്കളുടെ പങ്കിനെ കുറിച്ച്‌ പറഞ്ഞതെന്ന് പൊലീസ് അവകാശപ്പെടുന്നു. കലാപത്തില്‍ 53 പേര്‍ കൊല്ലപ്പെടുകയും 581 പേര്‍ക്ക് പരിക്കേല്‍ക്കുകയും 97 പേര്‍ക്ക് വെടിയേല്‍ക്കുകയും ചെയ്തിരുന്നു
Leave A Comment