ആര്‍.എസ്.എസ് ആസ്ഥാനം ആക്രമിക്കാൻ ശ്രമിച്ച കേസ്: രണ്ട് യുവാക്കളെ വെറുതെ വിട്ടു
മുംബൈ: ബിജെപിയുടെ മാതൃ മാതൃ സംഘടനയായ ആര്‍.എസ്.എസിന്റെ നാഗ്പൂര്‍ ആസ്ഥാനം ആക്രമിക്കാന്‍ പദ്ധതിയിട്ടെന്ന 2006ലെ കേസില്‍ രണ്ട് മുന്‍ സിമി പ്രവര്‍ത്തകരെ ബോംബെ ഹൈകോടതി കുറ്റമുക്തരാക്കി.
ആസിഫ് ഖാന്‍, പര്‍വേസ് റിയാസുദ്ദീന്‍ ഖാന്‍ എന്നിവരെയാണ് ഹൈകോടതി ഔറംഗാബാദ് ബെഞ്ച് കുറ്റമുക്തരാക്കിയത്.
സ്ഫോടന കേസില്‍ അറസ്റ്റിലായി മഹാരാഷ്ട്ര എ.ടി.എസിന്റെ കസ്റ്റഡിയില്‍ കഴിയുമ്പോഴാണ് ജല്‍ഗാവ് പൊലീസ് ആസിഫിനെ ആര്‍.എസ്.എസ് ആസ്ഥാനം ആക്രമിക്കാന്‍ പദ്ധതിയിട്ടെന്ന കേസില്‍ പ്രതിചേര്‍ക്കുന്നത്.
2006ലെ ആദ്യ മാലേഗാവ് സ്ഫോടന കേസിലും ആസിഫ് പ്രതിയായിരുന്നു. സംഘ്പരിവാര്‍ സംഘടനകളാണ് സ്ഫോടനത്തിന് പിന്നിലെന്ന സ്വാമി അസിമാനന്ദയുടെ വെളിപ്പെടുത്തലിനെ തുടര്‍ന്ന് ആസിഫ് ഉള്‍പ്പെടെ മാലേഗാവ് കേസിലെ പ്രതികളെ കോടതി കുറ്റമുക്തരാക്കിയിരുന്നു.
Leave A Comment