ആസാമിൽ സര്‍ക്കാര്‍ നിയന്ത്രിത മദ്റസകളും സംസ്‌കൃത സ്കൂളുകളും അടച്ചുപൂട്ടുന്നു
.jpeg)
ഗുവാഹതി : സംസ്ഥാനത്തെ
സര്‍ക്കാര്‍ നിയന്ത്രിത മദ്റസകളും സംസ്‌കൃത സ്കൂളുകളും അടച്ചുപൂട്ടാനുള്ള നിര്‍ദേശത്തിന്
ആസാം മന്ത്രിസഭയുടെ അംഗീകാരം. ഇതുസംബന്ധിച്ച ബില്‍
നിയമസഭയുടെ ശീതകാല സമ്മേളനത്തില്‍ അവതരിപ്പിക്കുമെന്ന് പാര്‍ലമെന്‍ററി കാര്യ മന്ത്രി ചന്ദ്രമോഹന്‍ പട്ടോവറി അറിയിച്ചു.
മദ്റസകള്, സംസ്‌കൃത സ്കൂളുകള്‍ എന്നിവയുമായി ബന്ധപ്പെട്ട നിലവിലെ നിയമങ്ങള്‍ റദ്ദാക്കുമെന്നും അടുത്ത നിയമസഭ സമ്മേളനത്തില്‍ ബില്‍ അവതരിപ്പിക്കുമെന്നും പട്ടോവറി പറഞ്ഞു. അസമില്‍ 610 സര്‍ക്കാര്‍ മദ്റസകളുണ്ടെന്നും ഇവക്കായി സര്‍ക്കാര്‍ പ്രതിവര്‍ഷം 260 കോടി രൂപ ചെലവഴിക്കുന്നുണ്ടെന്നും വിദ്യാഭ്യാസ മന്ത്രി ഹിമന്ത ബിശ്വ ശര്‍മ വ്യക്തമാക്കി. പൗരത്വ പട്ടിക നടപ്പിൽ വരുത്തിയ അസമിൽ സമീപ ദിവസങ്ങളിൽ പൗരത്വഭേദഗതി നിയമത്തിനെതിരെ സമരം പുനരാരംഭിച്ചിരുന്നു.
Leave A Comment