സുദര്‍ശന്‍ ന്യൂസിന്റെ യു.പി.എസ്.സി ജിഹാദ് എന്ന പരിപാടി നിർത്തി വെക്കാൻ ഡൽഹി ഹൈക്കോടതി ഉത്തരവ്
.jpeg)
യുപിഎസ്.സി ജിഹാദ് എന്ന ഹാഷ്ടാഗോടെ സുദര്‍ശന്‍ ചാനലിന്‍റെ എഡിറ്റര്‍ ഇന്‍ ചീഫ് സുരേഷ് ചാവ്ഹാങ്കേ പങ്കുവെച്ച പരിപാടിയുടെ പ്രമോക്കെതിരെ സമൂഹമാധ്യമങ്ങളിൽ രൂക്ഷ വിമര്‍ശനം ഉയര്‍ന്നിരുന്നു. ഇതേതുടർന്ന്, സര്‍വ്വകലാശാലയെ കളങ്കപ്പെടുത്താന്‍ ശ്രമിക്കുന്ന സുദര്‍ശന്‍ ന്യൂസ് ചാനലിനും അതിന്‍റെ എഡിറ്റര്‍ക്കുമെതിരെ നടപടി ആവശ്യപ്പെട്ട് ജാമിഅയിലെ വിദ്യാര്‍ഥികള്‍ വ്യാഴാഴ്ച കേന്ദ്ര വിദ്യാഭ്യാസ മന്ത്രാലയത്തിന് കത്ത് എഴുതുകയായിരുന്നു. വിദ്യാർത്ഥികളുടെ ഹർജി പരിഗണിച്ച് ഡൽഹി ഹൈക്കോടതി പരിപാടി നിർത്തി വെക്കാൻ ഉത്തരവിടുകയായിരുന്നു.
സുദർശൻ ടിവിക്കെതിരെ വിമർശനവുമായി ജാമിഅ വിസി നജ്മ അക്തര്‍ രംഗത്തെത്തി. "ഇത്തരം പരാമര്‍ശങ്ങളെ പരിഗണിക്കുന്നില്ല. അനാവശ്യ പ്രാധാന്യം സംഭവത്തിന് നല്‍കാന്‍ ഉദ്ദേശിക്കുന്നില്ല. യുപിഎസ്.സി റാങ്ക് പട്ടികയില്‍ ഇടം നേടിയ ഇവിടെ നിന്നുള്ള 30 പേരില്‍ 16 മുസ്‌ലിം, 14 ഹിന്ദു വിദ്യാര്‍ഥികളാണുള്ളത്. ഇവരെയെല്ലാവരേയുമാണ് പരിപാടിയില്‍ ജിഹാദി എന്ന് വിളിച്ചത്. അതിനര്‍ത്ഥം 16 മുസ്‌ലിം ജിഹാദിയും 14 ഹിന്ദു ജിഹാദിയുമാണ് എന്നല്ലേ. ജിഹാദി എന്നതിന് മതേതര സ്വഭാവമുള്ള വ്യാഖ്യാനം നല്‍കിയെന്നാണ് കരുതുന്നത് ". നജ്മ അക്തർ പ്രതികരിച്ചു
Leave A Comment