സെക്രട്ടറിയേറ്റ് വികസനാർത്ഥം പൊളിച്ച രണ്ട് പള്ളികളുടെയും അമ്പലത്തിന്റെയും സ്ഥാനത്ത് പുതിയവ നിർമ്മിക്കുമെന്ന് തെലങ്കാന സർക്കാർ
തന്നെ സന്ദർശിച്ച പ്രതിനിധികളോട് 4 ആരാധനാലയങ്ങൾക്കും ഒരേ ദിവസം തറക്കല്ലിട്ട് തെലുങ്കാനയുടെ പുകൾപെറ്റ മതസൗഹാർദ്ദം താൻ പ്രകടിപ്പിക്കുമെന്ന് അദ്ദേഹം ഉറപ്പു നൽകി. ആൾ ഇന്ത്യ മജ്‌ലിസ് ഇത്തിഹാദുൽ മുസ്‌ലിമീൻ നേതാവ് അക്ബറുദ്ദീൻ ഉവൈസി, ആൾ ഇന്ത്യാ മുസ്‌ലിം പേഴ്സണൽ ലോ ബോർഡ് സെക്രട്ടറി മൗലാന ഫാളിൽ സൈഫുള്ള റഹ്മാനി, പേഴ്സണൽ ലോ ബോർഡ് അംഗം ഖലീൽ അഹ്മദ്, ജമാഅത്തെ ഇസ്ലാമി തലവൻ ഹാമിദ് മുഹമ്മദ് ഖാൻ എന്നിവരാണ് മുഖ്യമന്ത്രിയെ സന്ദർശിച്ചത്. 4 ആരാധനാലയങ്ങളുടെയും നിർമാണ ചെലവും സംസ്ഥാന സർക്കാർ തന്നെ വഹിക്കുമെന്നും മുഖ്യമന്ത്രി പറഞ്ഞു. മുമ്പ് നിലനിന്നിരുന്ന പ്രദേശത്തുതന്നെ പള്ളി പുനർ നിർമ്മിക്കുമെന്നും നിർമ്മിച്ചതിനുശേഷം സംസ്ഥാന വഖഫ് ബോർഡിന് കൈമാറുമെന്നും അദ്ദേഹം ഉറപ്പുനൽകി. നേരത്തെ മുഖ്യമന്ത്രിയെ സന്ദർശിച്ച മുസ്‌ലിം നേതാക്കൾ പള്ളികൾ മുമ്പ് സ്ഥിതി ചെയ്തിരുന്ന സ്ഥലത്ത് തന്നെ അവ നിർമ്മിക്കണമെന്ന് ആവശ്യപ്പെട്ടിരുന്നു.
Leave A Comment