Islamonweb

ആദ്യമായി ഒരു അറബ് മുസ്‌ലിം രാഷ്ട്രം ലോക കാൽ പന്ത് മാമാങ്കത്തിന് വേദിയാകുമ്പോൾ, കഴിഞ്ഞ 22 വര്‍ഷത്തിനിടയില്‍ ഇസ്‌ലാം സ്വീകരിക്കുന്നതായി പ്രഖ്യാപിച്ച  പ്രശസ്തരായ പത്തു അന്തരാഷ്ട്ര ഫുട്ബോൾ താരങ്ങളെ പരിചയപ്പെടാം

ക്ലാരൻസ് ക്ലൈഡ് സീഡോർഫ് - 2022-ൽ ഇസ്ലാം സ്വീകരിച്ചു

ഒരു ഡച്ച് പ്രൊഫഷണൽ ഫുട്ബോൾ മാനേജരും അജാക്സ്, റയൽ മാഡ്രിഡ്, എസി മിലാൻ എന്നീ മൂന്ന് ക്ലബ്ബുകൾക്കൊപ്പം ചാമ്പ്യൻസ് ലീഗ് നേടിയ മുൻ കളിക്കാരനും. 1998 ഫിഫ ലോകകപ്പിൽ നെതർലാൻഡിനെ പ്രതിനിധീകരിച്ച് സെമിഫൈനലിലെത്തി. തന്റെ തലമുറയിലെ ഏറ്റവും മികച്ച മിഡ്ഫീൽഡർമാരിൽ ഒരാളായി പലരും അദ്ദേഹത്തെ കണക്കാക്കുന്നു, 2022 മാർച്ചിൽ തന്റെ ഔദ്യോഗിക ഇൻസ്റ്റാഗ്രാം അക്കൗണ്ടിലൂടെ അദ്ദേഹം തന്റെ ഇസ്ലാം പ്രഖ്യാപിച്ചു.

സീഡോർഫ് പറഞ്ഞു: "ഞാൻ ഇസ്‌ലാമിക കുടുംബത്തില്‍ അംഗമായത് ആഘോഷിച്ച്  എനിക്ക് അയച്ച എല്ലാ നല്ല സന്ദേശങ്ങൾക്കും പ്രത്യേക നന്ദി. ലോകമെമ്പാടുമുള്ള എല്ലാ സഹോദരീ സഹോദരന്മാരുമായും, പ്രത്യേകിച്ച്  ഇസ്‌ലാമിന്റെ അർത്ഥം എന്നെ കൂടുതൽ ആഴത്തിൽ പഠിപ്പിച്ച എന്റെ പ്രിയപ്പെട്ട സോഫിയക്കും, ഒപ്പം ചേരുന്നതിൽ എനിക്ക് അതിയായ സന്തോഷവും ആഹ്ലാദവുമുണ്ട്. ഞാൻ എന്റെ പേര് മാറ്റിയിട്ടില്ല, എന്റെ മാതാപിതാക്കൾ നൽകിയത് പോലെ ക്ലാരൻസ് സീഡോർഫ് എന്റെ പേരായി തുടരും! ഞാൻ എന്റെ എല്ലാ സ്നേഹവും ലോകത്തിലെ എല്ലാവർക്കുമായി കൈമാറുന്നു”.

തോമസ് ടെയെ പാർട്ടി - 2022-ൽ ഇസ്ലാം സ്വീകരിച്ചു

പ്രീമിയർ ലീഗ് ക്ലബ്ബായ ആഴ്സണലിനും ഘാന ദേശീയ ടീമിനും വേണ്ടി മിഡ്ഫീൽഡറായി കളിക്കുന്ന ഒരു ഘാന പ്രൊഫഷണൽ ഫുട്ബോൾ കളിക്കാരൻ. 2018-ലും 2019-ലും ഘാന പ്ലെയർ ഓഫ് ദ ഇയർ ആയി തിരഞ്ഞെടുക്കപ്പെട്ട പാർട്ടി ഘാനയുടെ വൈസ് ക്യാപ്റ്റനായും തിരഞ്ഞെടുക്കപ്പെട്ടു.

മൊറോക്കക്കാരി സാറ ബെല്ലയുമായുള്ള വിവാഹത്തെത്തുടർന്ന് 2022 മാർച്ചിൽ ഇസ്ലാം മതം സ്വീകരിച്ചതിന് ശേഷം അദ്ദേഹം തന്റെ പേര് യാക്കൂബു എന്ന് മാറ്റി.

“ഞാനൊരു മുസ്ലീമാണ്, എനിക്ക് ഇഷ്ടമുള്ള ഒരു പെൺകുട്ടിയുണ്ട്, എന്റെ ചില സുഹൃത്തുക്കൾ എന്നെ വിട്ടുപോകുമെന്ന് എനിക്കറിയാം, പക്ഷേ കുഴപ്പമില്ല, ഞാൻ മുസ്ലീങ്ങൾക്കൊപ്പമാണ് വളർന്നത്, ഞാൻ ഇതിനകം വിവാഹിതനാണ്, എന്റെ പേര് ഇപ്പോൾ യാക്കൂബ് എന്നാണ്.”, 2022 ജൂണിൽ പോസ്റ്റ് ചെയ്ത ഒരു വീഡിയോ ക്ലിപ്പിൽ തോമസ് പാർട്ടി പറഞ്ഞു.

2022 മാർച്ചിൽ, സ്‌പോർട്‌സ് വാർത്തകളിൽ വൈദഗ്ദ്ധ്യമുള്ള ഇൻസ്റ്റാഗ്രാമിലെ മുസ്‌ലിം അത്‌ലറ്റ്‌സ് അക്കൗണ്ട് ഒരു മുസ്‌ലിം പണ്ഡിതനൊപ്പം വിശുദ്ധ ഖുറാൻ പിടിച്ച് തോമസ്‌ പാർട്ടി പുഞ്ചിരിക്കുന്ന നില്‍ക്കുന്ന ഒരു ചിത്രം പ്രസിദ്ധീകരിക്കച്ചിരുന്നു. “തോമസ് പാർട്ടി ഇസ്‌ലാമിലേക്ക് പരിവർത്തനം ചെയ്യുന്നു, ദൈവം എന്റെ സഹോദരനെ അനുഗ്രഹിക്കട്ടെ.” എന്നതായിരുന്നു അടിക്കുറിപ്പ്.

ഇമ്മാനുവൽ അഡെബയോർ - 2015-ൽ ഇസ്ലാം സ്വീകരിച്ചു

ഇംഗ്ലീഷ് ക്ലബ്ബുകളായ ആഴ്സണൽ, മാഞ്ചസ്റ്റർ സിറ്റി, സ്പാനിഷ് റയൽ മാഡ്രിഡ് എന്നിവയ്ക്കായി കളിച്ച ഒരു ടോഗോലീസ് പ്രൊഫഷണൽ ഫുട്ബോൾ കളിക്കാരൻ. 2006-ൽ ജർമ്മനിയിൽ നടന്ന ഫിഫ ലോകകപ്പിൽ ടോഗോ ദേശീയ ടീമിനെ പ്രതിനിധീകരിച്ച് അഡെബയോർ പങ്കെടുത്തു. നിലവിൽ 32 ഗോളുകളുമായി ടോഗോയുടെ എക്കാലത്തെയും മികച്ച ഗോൾ സ്‌കോററാണ്.

തന്റെ മതപരിവർത്തനത്തെക്കുറിച്ച് സംസാരിക്കുമ്പോൾ, യേശു തന്നെ ഇസ്‌ലാമിലേക്ക് നയിച്ചതായി അഡെബയോർ പറയുന്നു. മതം മാറിയ ശേഷം പോസ്റ്റ് ചെയ്ത യൂട്യൂബ് വീഡിയോയിൽ ഇസ്ലാം സ്വീകരിക്കാനുള്ള തന്റെ തീരുമാനത്തിന് പിന്നിലെ 13 കാരണങ്ങളെക്കുറിച്ച് അദ്ദേഹം വിശദീകരിക്കുന്നുണ്ട്.

 "യേശു (അല്ലാഹുവിന്റെ അനുഗ്രഹം അദ്ദേഹത്തിനുണ്ടാവട്ടെ) പഠിപ്പിച്ചത് ആവർത്തനം 6:4, മർക്കോസ് 12:29 ൽ പറയുന്നത് പോലെ ഒരേയൊരു ദൈവമേയുള്ളൂവെന്നും  ദൈവത്തെ മാത്രമേ ആരാധിക്കാവൂ എന്നാണ്. ഖുര്‍ആൻ 4:171-ൽ പഠിപ്പിക്കുന്നത് പോലെ മുസ്ലീങ്ങളും ഇത് വിശ്വസിക്കുന്നു”.

പന്നികളെയും മാംസവും വൃത്തിഹീനവും കഴിക്കാൻ അനാരോഗ്യകരവുമാണെന്ന് കരുതുന്ന മുസ്ലീങ്ങളെപ്പോലെ ഈസാ നബി (അ) / യേശുപന്നിയിറച്ചി കഴിച്ചിരുന്നില്ല എന്നതാണ് അദ്ദേഹം ഇസ്‌ലാമിലേക്കുള്ള സ്വീകരിച്ച പിന്നിലെ കാരണങ്ങളിൽ മറ്റൊന്ന്. ഖുര്‍ആൻ പരാമർശിച്ച “അസ് സലാമു അലൈക്കും” (സമാധാനം), “ദൈവം ഇച്ഛിക്കുന്നു” (ഇൻഷാ അല്ലാഹ്) തുടങ്ങിയ വാക്കുകൾ കളിക്കാരനായ യേശു (സ) എപ്പോഴും ഉപയോഗിച്ചിരുന്നതായും അഡെബയോർ വിശദീകരിച്ചു.

 “പ്രാർത്ഥിക്കുന്നതിന് മുമ്പ് യേശു (അ) തന്റെ മുഖവും കൈകളും കാലുകളും കഴുകി. മുസ്ലീങ്ങളും അതുതന്നെ ചെയ്യുന്നു. യേശുവും (അ) ബൈബിളിലെ മറ്റ് പ്രവാചകന്മാരും തല നിലത്ത് വെച്ചാണ് പ്രാർത്ഥിച്ചത് (മത്തായി 26:39). ഖുര്‍ആൻ വാക്യം 3:43 പഠിപ്പിക്കുന്നത് പോലെ മുസ്ലീങ്ങളും ചെയ്യുന്നു,” അഡെബയോർ ഊന്നിപ്പറഞ്ഞു.

“യേശു (അ) താടിയും പൂര്‍ണ്ണ വസ്‌ത്രവും ധരിച്ചിരുന്നു. മുസ്ലീം പുരുഷന്മാർ അങ്ങനെ ചെയ്യുന്നത് സുന്നത്താണ്. യേശു നിയമം പിന്തുടരുകയും എല്ലാ പ്രവാചകന്മാരിലും വിശ്വസിക്കുകയും ചെയ്തു, (മത്തായി 5:17). 3:84, 2:285 എന്നീ ഖുര്‍ആൻ വാക്യങ്ങൾ പഠിപ്പിക്കുന്നത് പോലെ മുസ്ലീങ്ങളും അങ്ങനെ ചെയ്യുന്നു”. അഡെബയോർ തന്റെ ഇസ്‌ലാം ആശ്ലേഷണത്തിനു കാരണം നിരത്തിയത് ഇതൊക്കെയാണ്.

ഡാനി ബ്ലം - 2015-ൽ ഔദ്യോഗികമായി ഇസ്‌ലാം സ്വീകരിച്ചു.

സൈപ്രസ് ഫസ്റ്റ് ഡിവിഷൻ ക്ലബ്ബായ APOEL-ന്റെ വിംഗറായി കളിക്കുന്ന ഒരു ജർമ്മൻ പ്രൊഫഷണൽ ഫുട്ബോൾ കളിക്കാരൻ. 2014 ലെ വേനൽക്കാലത്ത് ക്രിസ്തുമതത്തിൽ നിന്ന് ഇസ്ലാം മതം സ്വീകരിക്കുന്നതായി പ്രഖ്യാപിച്ചു, ഔപചാരികമായ പരിവർത്തനം 2015 ജനുവരിയിൽ നടന്നു.

ദിവസവും അഞ്ച് നേരം നമസ്കരിക്കുകയും ഹലാൽ ഭക്ഷണം കഴിക്കുകയും ചെയ്യുന്ന ബ്ലാമിന്റെ അഭിപ്രായത്തില്‍ പ്രത്യാശയുടെയും ശക്തിയുടെയും മതമാണ് ഇസ്‌ലാം. ഡാനി ബ്ലൂമിന്റെ പ്രൊഫഷണൽ കരിയറിൽ, SV Sandhausen, Eintracht Frankfurt, FC Nürnberg തുടങ്ങിയ ജർമ്മൻ ക്ലബ്ബുകൾക്കായി അദ്ദേഹം കളിച്ചിട്ടുണ്ട്.

Emeka Ezeugo - 2012-ൽ ഇസ്ലാം സ്വീകരിച്ചു

ഇന്ത്യൻ ക്ലബായ  ഈസ്റ്റ് ബംഗാൾ എഫ്സിയുടെ പ്രൊഫഷണൽ ഫുട്ബോളറായി അരങ്ങേറ്റം കുറിച്ച മുൻ നൈജീരിയൻ പ്രൊഫഷണൽ ഫുട്ബോൾ കളിക്കാരൻ. 1994 ലെ ഫിഫ ലോകകപ്പിൽ നൈജീരിയ ദേശീയ ടീമിനെ പ്രതിനിധീകരിച്ചു. 15 വർഷത്തെ കളി ജീവിതത്തിൽ അഞ്ച് വ്യത്യസ്ത ഭൂഖണ്ഡങ്ങളിലെ ക്ലബ്ബുകൾക്കായി അദ്ദേഹം കളിച്ചു.

റോമൻ കത്തോലിക്കാ കുടുംബത്തിൽ ജനിച്ച എമേക എസുഗോ 2012 ഫെബ്രുവരിയിൽ ബംഗ്ലാദേശിലെ മുഹമ്മദൻ സ്പോർട്ടിംഗ് ക്ലബ്ബിന്റെ പരിശീലകനായിരിക്കെ ഇസ്ലാം സ്വീകരിച്ചു. മുഹമ്മദ് നബി(സ)യുടെ ജീവിതത്തിൽ നിന്ന് പ്രചോദനം ഉൾക്കൊണ്ടാണ് അദ്ദേഹം ഇസ്ലാം മതം സ്വീകരിക്കാൻ കാരണം. മഹാനായ പ്രവാചകന്റെ അനുയായി എന്ന നിലയിൽ തനിക്കേറെ അഭിമാനം തോന്നുവെന്ന്  അദ്ദേഹം പറയുന്നു.

താൻ വ്യത്യസ്ത മതങ്ങളെ കുറിച്ച് പഠിച്ചെന്നും മുഹമ്മദ് നബിയുടെ ജീവിതം മനസ്സിലാക്കിയപ്പോള്‍ തനിക്ക് ഏറെ പ്രചോദനമായെന്നും എമേക പറഞ്ഞു. തന്റെ പേരും അദ്ദേഹം മുസ്തഫ മുഹമ്മദ് എന്ന്  മാറ്റി.

‘ഞാനൊരു വിത്ത് നട്ടിട്ടേയുള്ളൂ, ഇനി അതിനെ മരമാക്കി വളർത്തണം. കാലക്രമേണ ഈ തീരുമാനത്തിന്റെ പല നല്ല വശങ്ങളും ഞാൻ കണ്ടെത്തുമെന്ന് എനിക്കറിയാം, എന്നാൽ ഈ നിമിഷം എനിക്ക് പറയാൻ കഴിയും മതം എന്റെ ജീവിതത്തെ കൂടുതൽ അച്ചടക്കമുള്ളതാക്കി.’ ഇസ്‌ലാം സ്വീകരിച്ചപ്പോള്‍ എമേക പറഞ്ഞു.

 തിയറി ഡാനിയൽ ഹെൻറി - 2008 ൽ ഇസ്ലാമിനോടുള്ള തന്റെ സ്നേഹം പ്രഖ്യാപിച്ചു

ഒരു ഫ്രഞ്ച് പ്രൊഫഷണൽ ഫുട്ബോൾ പരിശീലകനും ആഴ്സണൽ, മൊണാക്കോ, യുവന്റസ്, ബാഴ്സലോണ എന്നിവയ്ക്കായി കളിച്ച മുൻ കളിക്കാരനും. എക്കാലത്തെയും മികച്ച സ്‌ട്രൈക്കർമാരിൽ ഒരാളായും പ്രീമിയർ ലീഗിൽ കളിക്കുന്ന മികച്ച കളിക്കാരിലൊരാളായും അദ്ദേഹം കണക്കാക്കപ്പെടുന്നു. ഹെൻറി 2003-ൽ ബാലൺ ഡി ഓറിന് റണ്ണർഅപ്പും 2004-ൽ ഫിഫ വേൾഡ് പ്ലെയർ ഓഫ് ദ ഇയർ ആയും തെരഞ്ഞെടുക്കപ്പെട്ടു.

1998 ഫിഫ ലോകകപ്പ്, യുവേഫ യൂറോ 2000, 2003 ഫിഫ കോൺഫെഡറേഷൻസ് കപ്പ് എന്നിവ നേടിയ ഫ്രഞ്ച് ടീമില്‍ അംഗമായിരുന്നു. അഞ്ച് തവണ ഫ്രഞ്ച് പ്ലെയർ ഓഫ് ദി ഇയർ ആയി തിരഞ്ഞെടുക്കപ്പെട്ട അദ്ദേഹം 2010 ഫിഫ ലോകകപ്പിന് ശേഷം അന്താരാഷ്ട്ര ഫുട്ബോളിൽ നിന്ന് വിരമിച്ചു.

ഖത്തർ ആസ്ഥാനമായുള്ള അല്‍-ജസീറ സ്പോര്‍ട്സ് ചാനലിനു 2008-ല്‍ നൽകിയ അഭിമുഖത്തിൽ, തന്റെ ഇസ്ലാം ആഭിമുഖ്യ അദ്ദേഹം വെളിപ്പെടുത്തി. തന്നെ ഇസ്ലാമിലേക്ക് അടുപ്പിക്കുന്നതില്‍  ഫ്രാങ്ക് റിബറിയും എറിക് അബിദാലും നിർണായക പങ്ക് വഹിച്ചിട്ടുണ്ടെന്ന് ഹെൻറി പറഞ്ഞു. മറ്റേതൊരു മതത്തേക്കാളും ഇസ്ലാമിനോട് കൂടുതൽ അടുപ്പം തോന്നുന്നതെന്നും, താൻ മതം മാറിയാൽ അത് ഇസ്ലാമിലേക്ക്  ആയിരിക്കുമെന്ന് ഹെൻറി പറഞ്ഞു.

അദ്ദേഹം ഔദ്യോഗികമായി ഇസ്ലാം സ്വീകരിച്ചോ ഇല്ലയോ എന്നത് വ്യക്തമല്ലെന്ന് ചില റിപ്പോർട്ടുകൾ സൂചിപ്പിക്കുന്നു.

എറിക് സിൽവെയ്ൻ അബിദാൽ - 2007-ൽ ഇസ്ലാം സ്വീകരിച്ചു

പ്രധാനമായും ലിയോണിനും ബാഴ്സലോണയ്ക്കും വേണ്ടി കളിച്ച ഒരു ഫ്രഞ്ച് മുൻ പ്രൊഫഷണൽ ഫുട്ബോൾ കളിക്കാരൻ. ഒമ്പത് വർഷത്തിനിടെ അബിദാൽ രണ്ട് ലോകകപ്പുകളിൽ രാജ്യത്തെ പ്രതിനിധീകരിച്ചു.

2007-ൽ അൾജീരിയൻ വംശജയായ ഹയത് കെബീറിനെ വിവാഹം കഴിക്കുന്നതിന് മുന്നോടിയായി ഇസ്ലാം സ്വീകരിച്ചു, തന്റെ പേര് ബിലാൽ എറിക് അബിദൽ എന്നാക്കി മാറ്റി.

തന്റെ പരിവർത്തനത്തെക്കുറിച്ച് അബിദാൽ പറഞ്ഞു: “എല്ലാ സ്വാഭാവികമായി സംഭവിച്ചതാണ്. ഇസ്‌ലാമിലേക്ക് മാറിയത് എന്റെ ഭാര്യ കാരണമല്ല, പെട്ടെന്ന് പ്രത്യക്ഷപ്പെട്ട ഒരു സമ്മാനമാണത്. എന്റെ മുമ്പിലുള്ള സാധ്യതകളില്‍ നിന്നാന്‍ ഇസ്‌ലാം തെരഞ്ഞെടുത്തത്. തികഞ്ഞ ആത്മവിശ്വാസത്തോടെയാണ് ഞാൻ ഇസ്ലാം സ്വീകരിച്ചത്.”

 വിജയകരമായ കരിയർ കെട്ടിപ്പടുക്കുകയും ലിയോൺ, ബാഴ്‌സലോണ എന്നിവരോടൊപ്പം ഡിഫൻഡറായി കളിച്ച് നിരവധി പ്രധാന ബഹുമതികൾ നേടുകയും ചെയ്ത അബിദാലിന് 2011-ൽ, കരൾ ട്യൂമർ ഉണ്ടെന്ന് കണ്ടെത്തി.  രണ്ട് കരൾ മാറ്റിവയ്ക്കൽ ശസ്ത്രക്രിയയ്ക്ക് വിധേയനായതോടെ തന്റെ കരിയർ അവസാനിപ്പിച്ചു. 2014-ൽ 35-ാം വയസ്സിൽ വിരമിച്ചു.

നിക്കോളാസ് സെബാസ്റ്റ്യൻ അനെൽക്ക - 2004-ൽ തന്റെ ഇസ്ലാം പരസ്യമായി പ്രഖ്യാപിച്ചു

ഒരു ഫ്രഞ്ച് പ്രൊഫഷണൽ ഫുട്ബോൾ മാനേജര്‍. റയൽ മാഡ്രിഡ്, യുവന്റസ്, പാരീസ്-സെന്റ് ജെർമെയ്ൻ, ചെൽസി, ആഴ്സനൽ, മാഞ്ചസ്റ്റർ സിറ്റി, ലിവർപൂൾ എന്നിവയുൾപ്പെടെ മുന്‍നിര യൂറോപ്യൻ ക്ലബ്ബുകളിൽ കളിച്ച മുന്‍  കളിക്കാരന്‍. കൂടാതെ, മുംബൈ സിറ്റി എഫ്‌സിയുടെ പ്ലെയർ മാനേജരായും ഡച്ച് എറെഡിവിസി സൈഡ് റോഡ ജെസി എഫ്‌സിയുടെ സാങ്കേതിക സ്റ്റാഫായി പ്രവർത്തിച്ചിട്ടുണ്ട്.

ബാല്യകാല സുഹൃത്തുക്കളുടെ സ്വാധീനത്താൽ ഈ ഫ്രഞ്ച് ഫുട്ബോൾ താരം 16-ാം വയസ്സിൽ ക്രിസ്തുമതത്തിൽ നിന്ന് ഇസ്‌ലാമിലേക്ക് പരിവര്‍ത്തനം ചെയ്തു. അനൽക്ക തന്റെ മതവിശ്വാസങ്ങൾ വളരെക്കാലം സ്വകാര്യമായി സൂക്ഷിച്ചു. 2004-ല്‍, യു.എ.ഇയിൽ വെച്ചാണ് ഔപചാരികമായി തന്റെ പരിവര്‍ത്തനം പ്രഖ്യാപിച്ചത്.

 “ഞാൻ ഇസ്‌ലാമിലേക്ക് പരിവർത്തനം ചെയ്യുമ്പോൾ എനിക്ക് പതിനാറ് വയസ്സായിരുന്നു. ഒരു സഹോദര സംഘത്തില്‍ ചേര്‍ന്നതിനപ്പുറം എന്റെ പരിവർത്തനം എന്റെ ജീവിതത്തെ മാറ്റിമറിച്ചില്ല. കാരണം ഞാൻ ഇതിനകം അതേ തത്ത്വങ്ങളിൽ ജീവിച്ചിക്കുകയായിരുന്നു - നീതി, മൂല്യങ്ങൾ. റമദാനിൽ ഞാൻ നോമ്പെടുക്കാറുണ്ടായിരുന്നു, കാരണം എന്റെ ചുറ്റുമുള്ള ആളുകള്‍ നോമ്പെടുക്കുംമ്പോള്‍ എനിക്കും അതിഷ്ടമായിരുന്നു.  . ഇസ്ലാം എനിക്ക് വേണ്ടിയുള്ളതാണെന്ന് എനിക്ക് ഉറപ്പുണ്ടായിരുന്നു എന്നതാണ് എന്നെ മതം മാറ്റാൻ പ്രേരിപ്പിച്ചത്. ദൈവവുമായുള്ള ഈ ബന്ധം എനിക്ക് അനുഭവപ്പെട്ടു, അത് എന്റെ ജീവിതത്തെ പ്രകാശിപ്പിച്ചു. അതാണ് എന്റെ മതം എന്ന ബോധ്യം എന്റെ മനസ്സിലുണ്ടായിരുന്നു. സമാധാനത്തിന്റെ മതമായ ഇസ്‌ലാം സ്വീകരിച്ചതില്‍ ഞാൻ സന്തുഷ്ടനാണ്. ഇസ്‌ലാമിൽ നിന്ന് ഒരുപാട് കാര്യങ്ങൾ പഠിച്ചു”. തന്‍റെ ഇസ്‌ലാം സ്വീകരണത്തെ ഇങ്ങനെയാണ് അനെൽക്ക വിശദീകരിച്ചത്. 

ഫ്രാങ്ക് ഹെൻറി പിയറി റിബറി- 2002-ൽ ഇസ്ലാം സ്വീകരിച്ചു

ജർമ്മൻ ക്ലബ്ബായ ബയേൺ മ്യൂണിക്കിനും രണ്ട് ഫിഫ ലോകകപ്പുകളിൽ (2006, 2010) ഫ്രഞ്ച് ദേശീയ ടീമിനും വേണ്ടി കളിച്ച ഒരു ഫ്രഞ്ച് മുൻ പ്രൊഫഷണൽ ഫുട്ബോൾ കളിക്കാരൻ. മൂന്ന് തവണ ഫ്രഞ്ച് പ്ലെയർ ഓഫ് ദി ഇയർ അവാർഡും ഒരു തവണ ജർമ്മൻ ഫുട്ബോളർ ഓഫ് ദ ഇയർ അവാർഡും നേടിയ കളിക്കാരനാണ്  റിബെറി.

2002-ൽ അദ്ദേഹം ഇസ്ലാം മതം സ്വീകരിച്ചു. റിബറിയുടെ അഭിപ്രായത്തിൽ, അൾജീരിയൻ വംശജയായ ഭാര്യ വാഹിബയാണ് മതപരിവർത്തനത്തിന് പ്രധാന കാരണം. മതപരിവർത്തനത്തിന് ശേഷം ബിലാൽ എന്ന പേര് സ്വീകരിച്ചു.

ഫ്രാങ്ക് റിബറി ഒരിക്കൽ ഒരു അഭിമുഖത്തിൽ പറഞ്ഞു: "മതം എന്റെ വ്യക്തിപരമായ കാര്യമാണ്. ഞാൻ ഒരു വിശ്വാസിയാണ്, ഞാൻ ഇസ്ലാം സ്വീകരിച്ചതിനുശേഷം, ഞാൻ കരുതുന്നു, കൂടുതല്‍ ശക്തനായി, മാനസികമായും ശാരീരികമായും കൂടുതല്‍ കരുത്ത് നേടി. മതം എന്റെ വ്യക്തിത്വത്തെയോ എന്റെ ലോക വീക്ഷണത്തെയോ മാറ്റിയില്ല. ഞാൻ ദിവസം അഞ്ച് തവണ പ്രാർത്ഥിക്കുന്നു. അത് എനിക്ക് മാനസിക സന്തോഷം നല്‍കുന്നു.”

ഫ്രെഡറിക് ഉമർ കനൂത്ത് - 1999-ൽ തന്റെ മതപരിവർത്തനം പ്രഖ്യാപിച്ചു

ഫ്രഞ്ച് വംശജനായ മാലി ഇന്റർനാഷണൽ കളിക്കാരന്‍. നിരവധി യൂറോപ്യൻ ക്ലബ്ബുകൾക്കായി കളിച്ചു, ലാ ലിഗ ടീമായ സെവിയ്യയ്‌ക്കൊപ്പം തന്റെ ഏറ്റവും മികച്ച വിജയം ആസ്വദിച്ചു. 2007-ലെ ആഫ്രിക്കൻ ഫുട്ബോളർ ഓഫ് ദ ഇയർ ആയി കനൂത്ത് തിരഞ്ഞെടുക്കപ്പെട്ടു.

2000-ൽ പ്രീമിയർ ലീഗിന്റെ വെസ്റ്റ് ഹാം യുണൈറ്റഡിലേക്ക് മാറുന്നതിന് മുമ്പ് കനൂത്ത് ഫ്രാൻസിൽ ലിയോണിനൊപ്പം തന്റെ കരിയർ ആരംഭിച്ചു. ലണ്ടനിലെ ടോട്ടൻഹാം ഹോട്‌സ്‌പറിൽ കളിച്ച ശേഷം, കനൂത്ത് സ്പാനിഷ് ക്ലബ് സെവിയ്യയിലേക്ക് മാറി, അവിടെ 2006 ലും 2007 ലും തുടർച്ചയായി രണ്ട് യുവേഫ കപ്പുകൾ നേടി. മറ്റ് വിവിധ യൂറോപ്യൻ, ആഭ്യന്തര ബഹുമതികൾ നേടുകയും ക്ലബ്ബിന്റെ ഏറ്റവും കൂടുതൽ സ്കോർ ചെയ്യുന്ന വിദേശ കളിക്കാരനായി മാറുകയും ചെയ്തു.

1999-ൽ തന്റെ 22-ആം വയസ്സിൽ ഇസ്ലാം ആശ്ലേഷണം പ്രഖ്യാപിക്കുകയും ഫ്രെഡറിക് ഉമർ കനൂത്ത് എന്ന പേര് സ്വീകരിക്കുകയും ചെയ്തു.  888.com വെബ്സൈറ്റ് ചൂതാട്ടത്തിനായി ഉപയോഗിക്കുന്നു; ഇത് ഇസ്ലാമിന്റെ തത്വങ്ങൾക്ക് വിരുദ്ധമാണ് എന്ന് ചൂണ്ടിക്കാട്ടി ക്ലബ് സ്പോൺസർ 888.com എന്ന പേരിലുള്ള സെവിയ്യ ഷർട്ട് ധരിക്കാൻ അദ്ദേഹം വിസമ്മതിച്ചു.

2007-ൽ, സെവിയ്യയിൽ ഒരു നിസ്കാര ഹാള്‍ വാങ്ങുന്നതിനായി കനൂത്ത്  തന്റെ പോക്കറ്റിൽ നിന്ന് 700,000 യുഎസ് ഡോളറിലധികം നൽകി. സ്ഥലത്തെ കരാർ കാലഹരണപ്പെട്ടതിനാൽ നിസ്കാര സ്ഥലം വിൽക്കാനിരിക്കുകയായിരുന്നു. 700 വർഷത്തിനിടെ സ്‌പെയിനിലെ സെവിയ്യയില്‍ ആദ്യമായി മസ്ജിദും സാംസ്‌കാരിക കേന്ദ്രവും നിർമ്മിക്കുന്നതിനായി ഓൺലൈൻ ക്രൗഡ് ഫണ്ടിംഗ് കാമ്പെയ്‌നിലൂടെ ഒരു  മില്യൺ ഡോളര്‍ കനൂത്ത് സമാഹരിച്ചു.