അമേരിക്കയുമായി തടവുകാരെ കൈമാറാന്‍ തയാറാണെന്ന് ഇറാന്‍
.jpeg)
തെഹ്റാന്‍: കൊറോണ വൈറസിന്റെ ഭീഷണി വർധിക്കുന്നതിനിടെ ഇറാൻ-അമേരിക്ക ബന്ധത്തിൽ മഞ്ഞുരുക്കം; കോവിഡ്
വൈറസ് അതിരൂക്ഷമായ സാഹചര്യത്തില്‍ അമേരിക്കയുമായി തടവുകാരെ കൈമാറാന്‍ തയാറാണെന്ന് ഇറാന്‍ മന്ത്രിസഭ വക്താവ് അലി റാബിഈ അറിയിച്ചു. തടവുകാരുടെ ജീവന് ഭീഷണിയുള്ള സാഹചര്യത്തിൽ ഉപാധികളില്ലാതെ ചർച്ചക്ക് തയ്യാറാണെന്ന് വ്യക്തമാക്കിയ അദ്ദേഹം എല്ലാ തടവുകാരെയും കൈമാറാമെന്ന നിര്‍ദേശത്തിന് അമേരിക്കയില്‍ നിന്ന് മറുപടി ലഭിച്ചിട്ടില്ലെന്നും പറഞ്ഞു.
അമേരിക്കന്‍ ജയിലുകളില്‍ കഴിയുന്ന ഇറാനിയന്‍ തടവുകാരുടെ ജീവന് ഭീഷണിയിലാണ്. ജീവനേക്കാള്‍ രാഷ്ട്രീയത്തിനാണ് അമേരിക്ക മുന്‍ഗണന നല്‍കുന്നതെന്ന് അലി റാബിഈ വ്യക്തമാക്കി. 60 വയസ്സുള്ള സിറസ് അസ്ഗാരി അടക്കം നിരവധി ഇറാന്‍ പൗരന്‍മാര്‍ അമേരിക്കന്‍ ജയിലിലുണ്ട്. ഇറാന്റെ പിടിയിലായ മുന്‍ അമേരിക്കന്‍ നാവികന്‍ മൈക്കല്‍ വൈറ്റിനെ മോചിപ്പിക്കാനുള്ള ശ്രമങ്ങള്‍ നടക്കുന്നതായി യു.എസ് വ്യക്തമാക്കിയിരുന്നു. വൈറ്റിന് പകരം അസ്ഗാരിയെ കൈമാറുന്നത് പരിഗണിക്കുന്നില്ലെന്നും അമേരിക്കന്‍ ഉദ്യോഗസ്ഥര്‍ പറഞ്ഞു.
.jpg)
Leave A Comment