രാജ്യത്തെ രക്ഷിക്കാന്‍ ആര്‍എസ്‌എസില്‍നിന്ന് അകന്നുനില്‍ക്കണം ; അഖിലേഷ് യാദവ്
രാജ്യത്തെ വര്‍ഗീയതയുടെ പേരില്‍ വിഭജിക്കുകയാണ് ആർ എസ്എസ് എന്നും രാജ്യരക്ഷക്ക് ആര്‍എസ്‌എസില്‍നിന്ന് അകന്നുനില്‍ക്കണമെന്നും സമാജ് വാദി പാര്‍ട്ടി നേതാവ് അഖിലേഷ് യാദവ്. മതം, ജാതി എന്നിവയുടെ അടിസ്ഥാനത്തില്‍ ആര്‍എസ്‌എസ് ജനങ്ങളെ വിഭജിക്കുകയാണ് ഇക്കാരണത്താലാണ് താന്‍ ആര്‍എസ്‌എസിനെ എതിര്‍ക്കുന്നതെന്നും അഖിലേഷ് വിശദീകരിച്ചു.
ന്യൂഡല്‍ഹിയില്‍ നടക്കാനിരിക്കുന്ന ആര്‍എസ്‌എസ് ചടങ്ങിലേക്കുള്ള ക്ഷണം നിരസിച്ചതിനെ കുറിച്ച്‌ പ്രതികരിക്കുകയായിരുന്നു അഖിലേഷ്. ഉത്തര്‍പ്രദേശ് നിയമസഭാ തെരഞ്ഞെടുപ്പില്‍ തന്‍റെ പാര്‍ട്ടി പരാജയപ്പെടുന്നതിനുള്ള പ്രധാന കാരണം ആര്‍എസ്‌എസ് ജനങ്ങളെ തെറ്റിദ്ധരിപ്പിച്ചതിനെ തുടര്‍ന്നാണെന്നും അഖിലേഷ് കുറ്റപ്പെടുത്തി. ജാതിയുടെയും മതത്തിന്‍റെയും പേരില്‍ ജനങ്ങളെ തെറ്റിദ്ധരിപ്പിച്ച്‌ തമ്മിലടിപ്പിച്ചാല്‍ വരുമാനം, തൊഴില്‍ എന്നിവയെക്കുറിച്ച്‌ ജനങ്ങള്‍ പാര്‍ട്ടിയോടു ചോദിക്കില്ല എന്നതാണ് ആര്‍എസ്എസിന്‍റെ തന്ത്രമെന്നും അഖിലേഷ് പറഞ്ഞു.
Leave A Comment