പുണ്യ റസൂലി(സ്വ)നെ ഓര്‍ക്കണം
സഈദ്‌ മഖ്‌ബരി(റseal of prophet)യില്‍ നിന്ന്‌ നിവേദനം:``അബൂഹുറൈറ(റ) ജനക്കൂട്ടത്തിനരികിലൂടെ നടന്ന്‌ പോവുകയായിരുന്നു. ചുട്ടെടുത്ത ആട്ടിറച്ചി ഭക്ഷിക്കാന്‍ അവര്‍ ബഹുമാന്യരെ ക്ഷണിച്ചു. വേണ്ടെന്നു പ്രതിവചിച്ച അദ്ദേഹം പറഞ്ഞു: നബി(സ്വ)തങ്ങള്‍ ബാര്‍ലി റൊട്ടി പോലും വയര്‍ നിറയെ കഴിക്കാതെയാണ്‌ നമ്മോട്‌ വിടപറഞ്ഞത്‌.''(ബുഖാരി)  സ്വസമുദായത്തിന്റെ നന്മയും ഐശ്വര്യവും ജീവിത വ്രതമാക്കി, ശാരീരിക സുഖാസ്വാദനങ്ങള്‍ പരിചയിച്ചറിയാതെ, ജീവിതത്തിന്റെ അന്ത്യനിമിഷങ്ങളില്‍ പോലും `ഉമ്മതി'യെന്ന്‌ സങ്കടപ്പെട്ട പുണ്യറസൂലി(സ്വ)നെ പാടെ മറന്നു പോയ ആധുനിക മുസ്‌ലിം സമൂഹത്തോടാണ്‌ അബൂഹുറൈറ(റ) ഇവിടെ സംവദിക്കുന്നത്‌. അന്യനെ മറന്ന്‌, ആവോളം ആഹരിച്ച്‌, അനുഗ്രഹ വൈവിധ്യങ്ങള്‍ കൊണ്ട്‌ കടാക്ഷിച്ച ദാതാവായ റബ്ബിനെയും സന്മാര്‍ഗത്തിലേക്ക്‌ സ്‌നേഹപൂര്‍വ്വം ആനയിച്ച പുണ്യറസൂലി(സ്വ)നെയും വിസ്‌മരിക്കരുതേ നിങ്ങള്‍ എന്ന്‌ ഈ ഹദീസ്‌ നമ്മെ വീണ്ടും വീണ്ടും ഓര്‍മ്മപ്പെടുത്തുന്നു.

Leave A Comment

Related Posts

ASK YOUR QUESTION

Voting Poll

Get Newsletter