റോഹിങ്ക്യന്‍ മുസ്‌ലിംകളെ തിരിച്ചയക്കുന്നതിനെതിരെ മനുഷ്യാവകാശ കമ്മീഷന്‍
ഇന്ത്യയില്‍ കഴിയുന്ന റോഹിങ്ക്യന്‍ അഭയാര്‍ത്ഥികളെ നാട്ടിലേക്ക് തിരിച്ചയക്കുന്നതുമായി ബന്ധപ്പെട്ട് ദേശീയ മനുഷ്യാവകാശ കമ്മീഷന്റെ ഇടപെടല്‍. കേന്ദ്ര സര്‍ക്കാര്‍ റോഹിങ്ക്യന്‍ അഭയാര്‍ത്ഥികളെ തിരിച്ചയക്കുന്നെന്ന വാര്‍ത്ത മാധ്യമങ്ങളില്‍ വന്നതിനെ തുടര്‍ന്നാണ് കമ്മീഷന്‍ നാല് ദിവസത്തിനകം റിപ്പോര്‍ട്ട് നല്‍കണമെന്ന് നോട്ടീസ് അയച്ചത്.
നാല്‍പതിനായിരത്തോളം റോഹിങ്ക്യന്‍ അഭയാര്‍ത്ഥികളാണ് രാജ്യത്ത് വിവിധ സംഘടനകള്‍ നടത്തുന്ന ക്യാമ്പുകളില്‍ കഴിയുന്നത്. നാട്ടിലേക്ക് തിരിച്ചയക്കുന്ന അഭയാര്‍ത്ഥികളുടെ അവസ്ഥ എന്താണെന്ന് പരിശോധിക്കണമെന്ന് കമ്മീഷന്‍ കേന്ദ്രത്തോട് ആവശ്യപ്പെട്ടിട്ടുണ്ട്.
Leave A Comment