സിറിയയിലേക്ക് കൂടുതൽ സൈനികരെ വിന്യസിച്ച് യുഎസ്, നടപടി റഷ്യയുമായി കൂടുതൽ സംഘർഷം ഉടലെടുത്തതിനാൽ
ദമാസ്കസ്: സിറിയയില്‍ റഷ്യ-അമേരിക്ക സൈന്യങ്ങൾ ക്കിടയിൽ പോർമുഖം തുറന്ന സാഹചര്യത്തിൽ കൂടുതല്‍ സൈനികരെയും സൈനിക വാഹനങ്ങളും വിന്യസിച്ച് കരുത്ത് കാട്ടി അമേരിക്ക.
വടക്കുകിഴക്കന്‍ സിറിയയിലേക്ക് നൂറു സൈനികരെയും ആറ് ബ്രാഡ്ലി ഫൈറ്റിങ് വാഹനങ്ങളെയുമാണ് നിയോഗിച്ചതെന്ന് അമേരിക്കന്‍ അധികൃതര്‍ വ്യക്തമാക്കി.
സഖ്യസേനയുടെ സുരക്ഷ ഉറപ്പാക്കുകയെന്ന ലക്ഷ്യത്തോടെയാണ് സൈനിക വിന്യാസമെന്ന് യു.എസ് നേവി ക്യാപ്റ്റന്‍ ബില്‍ അര്‍ബന്‍ പറഞ്ഞു. കുവൈത്തില്‍ നിന്ന് കവചിത വാഹനങ്ങള്‍ക്ക് ഒപ്പം റഡാറും വിന്യസിച്ചിട്ടുണ്ട്. അതേസമയം, യു.എസ് നേവി മേധാവി റഷ്യയെ പേരെടുത്ത് കുറ്റപ്പെടുത്താതെയാണ് സൈനിക വിന്യാസം പ്രഖ്യാപിച്ചത്
അതേസമയം, റഷ്യ സംഘര്‍ഷം ഉണ്ടാക്കുകയാണെന്ന് മറ്റൊരു അമേരിക്കന്‍ ഉദ്യോഗസ്ഥന്‍ വ്യക്തമാക്കി. റഷ്യയോ മറ്റേതെങ്കിലും രാജ്യമോ സുരക്ഷിതമല്ലാത്തതും അപകടം ക്ഷണിച്ചുവരുത്തുന്നതുമായ മാര്‍ഗങ്ങള്‍ സ്വീകരിക്കരുതെന്നും അദ്ദേഹം പറഞ്ഞു. ആഗസ്റ്റ് അവസാനം റഷ്യന്‍ സേനയുമായുണ്ടായ സംഘര്‍ഷത്തില്‍ ഏഴ് അമേരിക്കന്‍ സൈനികര്‍ക്ക് പരിക്കേറ്റിരുന്നു. നിരവധി ചെറു സംഘര്‍ഷങ്ങളുമുണ്ടായിട്ടുണ്ട്.
Leave A Comment