ലിബിയൻ സംഘർഷം: സൈനിക നീക്കത്തിന് തയ്യാറായി നിൽക്കാൻ സൈന്യത്തോട് ഈജിപ്ത് പ്രസിഡണ്ടിന്റെ നിർദേശം
.jpeg)
കൈറോ: ലിബിയയില്‍ യു.എന്‍ പിന്തുണയുള്ള ഭരണകൂടവും കിഴക്കന്‍ ലിബിയ ആസ്ഥാനമായുള്ള ഖലീഫ ഹഫ്തറിന്‍റെ ലിബിയന്‍ നാഷനല്‍ ആര്‍മിയുമായുള്ള (എല്‍.എന്‍.എ) രൂക്ഷമായതോടെ രാജ്യത്തിന് അകത്തും പുറത്തുമായുള്ള ഏത് സൈനിക നീക്കത്തിനും തയാറെടുക്കാന്‍ ഈജിപ്ത് പ്രസിഡന്‍റ് അബ്ദുല്‍ ഫത്താഹ് സീസിയുടെ നിര്‍ദേശം.
ലിബിയയുമായി 1200 കിലോമീറ്റര്‍ പടിഞ്ഞാറന്‍ അതിര്‍ത്തി പങ്കിടുന്ന ഈജിപ്തിലെ വ്യോമതാവളത്തില്‍ സന്ദര്‍ശനം നടത്തവെയാണ് അബ്ദുല്‍ ഫത്താഹ് സീസി ഇക്കാര്യം വ്യക്തമാക്കിയത്.
സന്ദർശനത്തിനിടെ യുദ്ധവിമാനങ്ങളും ഹെലികോപ്ടറുകളും സീസി നിരീക്ഷിക്കുന്നതിന്‍റെ ദൃശ്യങ്ങളും ദേശീയ ടെലിവിഷന്‍ ശനിയാഴ്ച സംപ്രേക്ഷണം ചെയ്തിരുന്നു. ഈജിപ്ത്, റഷ്യ, യു.എ.ഇ എന്നീ രാജ്യങ്ങളുടെ പിന്തുണയുള്ള ഹഫ്തറിന്‍റെ ലിബിയന്‍ നാഷനല്‍ ആര്‍മിയും യു.എന്‍ പിന്തുണയുള്ള ഭരണകൂടവും തമ്മിലാണ് സംഘർഷം. യുഎൻ പിന്തുണയുള്ള ഭരണകൂടത്തിനാണ് തുര്‍ക്കിയുടെ പിന്തുണ. തുര്‍ക്കിയുടെ പിന്തുണയില്‍ 14 മാസത്തിന് ശേഷം തലസ്ഥാനമായ ട്രിപോളി ലിബിയന്‍ ഭരണകൂടം തിരിച്ചുപിടിച്ചിരുന്നു.
Leave A Comment