ഷഹീൻ ബാഗ് മോഡൽ സമരം മുംബൈയിലും: സമരാവേശത്തിൽ മദന്‍പുരയിലെ വീട്ടമ്മമാരും വിദ്യാർത്ഥിനികളും
മുംബൈ: പൗരത്വ ഭേദഗതി നിയമത്തിനെതിരെയുള്ള പ്രതിഷേധ സമരങ്ങളുടെ മുഖമായി മാറിയ ന്യൂഡല്‍ഹിയിലെ ഷഹീന്‍ബാഗ് മാതൃകയിൽ മുംബൈയിൽ സമരത്തിന് തുടക്കം.
ഡൽഹിയിലെ സമരക്കാരിൽ നിന്ന് പ്രചോദനം ഉൾക്കൊണ്ട് മുംബൈയിലെ വീട്ടമ്മമാരും വിദ്യാര്‍ഥിനികളും ഉള്‍പ്പെടെ 70ഓളം വരുന്ന മുസ്‌ലിം സ്ത്രീകളാണ് ഞായറാഴ്ച വൈകുന്നേരം സമരവുമായി മദന്‍പുരയിലെ റോഡിലേക്കിറങ്ങിയത്. പൗരത്വ ഭേദഗതി നിയമം പിന്‍വലിക്കുന്നതു വരെ സമരം തുടരാനാണ് ഇവരുടെ തീരുമാനം.
'' ഈ സര്‍ക്കാര്‍ അവര്‍ക്ക് തോന്നിയ പോലെയാണ് കാര്യങ്ങള്‍ ചെയ്യുന്നത്. പൗരത്വഭേദഗതി നിയമത്തിനെതിരെ പ്രതിഷേധിച്ച ഭീം ആര്‍മി നേതാവ് ചന്ദ്രശേഖര്‍ ആസാദിനെ അവര്‍ കസ്റ്റഡിയിലെടുത്തു. ഉത്തര്‍പ്രദേശിലെ സ്ത്രീകളെ പ്രതിഷേധിക്കാന്‍ അനുവദിക്കുന്നില്ല.
ഷഹീന്‍ബാഗില്‍ 500ഓളം ആളുകളാണ് പൗരത്വ ഭേദഗതി നിയമത്തിനും നിലവില്‍ വിഭാവനം ചെയ്ത ദേശീയ പൗരത്വ പട്ടികക്കുമെതിരെ കഴിഞ്ഞ 40 ദിവസമായി സന്ധിയില്ലാ സമരം നടത്തുന്നത്.
നേരത്തെ ഷഹീൻ ബാഗ് സന്ദർശിച്ച ഭീം ആർമി തലവൻ ചന്ദ്രശേഖർ ആസാദ് അഞ്ഞൂറിലധികം ഷഹീൻ ബാഗുകൾ
രാജ്യത്തെ വിവിധ പ്രദേശങ്ങളിൽ ഉയർന്നു വരുമെന്ന് പ്രഖ്യാപിച്ചിരുന്നു.
Leave A Comment