ഇന്ത്യൻ പൗരന്മാർക്കെല്ലാം ജമ്മു കശ്മീരിൽ ഭൂമി വാങ്ങാൻ അനുമതി നൽകുന്ന നിയമം കേന്ദ്രസര്‍ക്കാര്‍ പാസാക്കി
ശ്രീനഗര്‍: കശ്മീരിന് പ്രത്യേക അവകാശങ്ങൾ നൽകിയിരുന്ന ആർട്ടിക്കിൾ 370 റദ്ദാക്കി ഒരു വർഷത്തിലധികം പിന്നിടവേ
ജമ്മു കശ്മീരില്‍ ഇന്ത്യയിലെ
ഏതൊരു പൗരനും ഇനി മുതല്‍ ഭൂമി വാങ്ങാൻ അനുമതി നൽകിയിരിക്കുന്ന വിജ്ഞാപനം കേന്ദ്രസര്‍ക്കാര്‍ പുറപ്പെടുവിച്ചു.
ജമ്മു കശ്മീരിലെ മുന്‍സിപ്പല്‍ പ്രദേശങ്ങളിലാണ് പുതിയ നിയമം ബാധകമാകുക. ഏതെങ്കിലും ഇന്ത്യന്‍ പൗരന് കേന്ദ്രഭരണ പ്രദേശത്ത് കാര്‍ഷികേതര ഭൂമി വാങ്ങാന്‍ ഈ നിയമം പ്രാബല്യത്തില്‍ വരുന്നതോടെ അനുവാദം ലഭിക്കും. യൂണിയന്‍ ടെറിറ്ററി ഓഫ് ജമ്മു കശ്മീര്‍ റീഓര്‍ഗനൈസേഷന്‍ തെര്‍ഡ് ഓര്‍ഡര്‍ 2020 എന്നാണ് ഉത്തരവിന് പേര് നൽകിയിരിക്കുന്നത്.
അതേസമയം കാര്‍ഷിക അനുബന്ധ പ്രവര്‍ത്തനങ്ങളില്‍ ഏര്‍പ്പെടുന്ന ആളുകള്‍ക്ക് മാത്രമേ കാര്‍ഷിക ഭൂമി വാങ്ങാന്‍ കഴിയൂ. ആഭ്യന്തര മന്ത്രാലയം പുറപ്പെടുവിച്ച വിജ്ഞാപന പ്രകാരം ജമ്മു കശ്മീരില്‍ കാര്‍ഷികേതര ഭൂമി വാങ്ങുന്നതിന് അവിടെ സ്ഥിരതാമസക്കാരനാണെന്നതിനുള്ള സര്‍ട്ടിഫിക്കറ്റോ അവിടെ പാര്‍പ്പിടമുണ്ടെന്നതിനുള്ള സര്‍ട്ടിഫിക്കറ്റോ ആവശ്യമില്ല. എന്നാൽ നിയമ പ്രകാരം കാർഷിക ഭൂമി വാങ്ങാൻ അനുമതി ലഭിക്കുകയില്ല. നേരത്തെ ആർജെഡി, കോൺഗ്രസ് സഖ്യവും ജെഡിയു, ബിജെപി സഖ്യവും ഏറ്റുമുട്ടുന്ന ബീഹാർ നിയമസഭാ തെരഞ്ഞെടുപ്പിൽ കശ്മീരിൽ എല്ലാവർക്കും ഭൂമി വാങ്ങാൻ അനുമതി നൽകുന്ന നിയമം ഉടൻ നടപ്പിലാക്കുമെന്ന് ബിജെപി തെരഞ്ഞെടുപ്പ് പ്രകടന പത്രികയിൽ ഉൾപ്പെടുത്തിയിരുന്നു.
Leave A Comment