മലേഷ്യന്‍ മുന്‍ പ്രധാനമന്ത്രി മഹാതീര്‍ മുഹമ്മദിനെ പാര്‍ട്ടിയില്‍ നിന്ന് പുറത്താക്കി
.jpeg)
ക്വലാലംപൂര്‍: മലേഷ്യന്‍ മുന്‍ പ്രധാനമന്ത്രി മഹാതീര്‍ മുഹമ്മദിനെ
അദ്ദേഹം തന്നെ സ്ഥാപിച്ച പാര്‍ട്ടിയായ യുനൈറ്റഡ് ഇന്‍ഡീജിനസ് പാര്‍ട്ടി പുറത്താക്കി.
മുഹ്യുദ്ദീന്‍ യാസീന്‍ പ്രധാനമന്ത്രിയായുള്ള പുതിയ സര്‍ക്കാരിനെ പിന്തുണക്കാത്തതിനാലാണ് പാര്‍ട്ടി ചെയര്‍മാന്‍ സ്ഥാനത്തുനിന്ന് മഹാതീറിനെ നീക്കിയതെന്ന് മാധ്യമങ്ങൾ റിപ്പോർട്ട് ചെയ്തു.
കഴിഞ്ഞ തെരഞ്ഞെടുപ്പിൽ അൻവർ ഇബ്രാഹിമിന്റെ പാർട്ടിയോടൊപ്പം മുന്നണിയായി മത്സരിച്ച് അധികാരത്തിലെത്തുകയായിരുന്നു മഹാതീർ. രാഷ്ട്രീയ അനിശ്ചിതത്വങ്ങൾക്ക് ഒടുവിൽ കഴിഞ്ഞ ഫെബ്രുവരിയിലാണ് 95കാരനായ മഹാതീര്‍ പ്രധാനമന്ത്രിസ്ഥാനം രാജിവെച്ചത്. പഴയ രാഷ്ട്രീയ എതിരാളി അന്‍വര്‍ ഇബ്രാഹീം പ്രധാനമന്ത്രിയാകുന്നത് തടയാനായിരുന്നു രാജിപ്രഖ്യാപനം.
എന്നാല്‍ വീണ്ടും പ്രധാനമന്ത്രിയാകാനുള്ള മഹാതീറിന്‍റെ കണക്കുകൂട്ടലുകള്‍ തെറ്റിച്ച്‌ മലേഷ്യന്‍ രാജാവ് യാസീനെ പ്രധാനമന്ത്രിയായി പ്രഖ്യാപിക്കുകയായിരുന്നു. മുന്‍ പ്രധാനമന്ത്രി നജീബ് റസാഖിന്‍റെ കാലത്ത് ആഭ്യന്തരമന്ത്രിയായിരുന്നു യാസീന്‍.
Leave A Comment