Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രങ്ങള്‍ വര്‍ഷിച്ചുകൊണ്ടിരിക്കട്ടെ. ജുമുഅ നിസ്കാരത്തിന് മുമ്പുള്ള സമയത്ത് ഏറ്റവും ഉത്തമമായത് സൂറതുല്‍കഹ്ഫും സ്വലാതും ഓതലാണ്. ന്യായമായ കാരണങ്ങളില്ലാതെ അവക്ക് തടസ്സമാവുന്നതൊക്കെ ഉത്തമത്തിന് വിരുദ്ധമാണ്. അത് പ്രസംഗമോ മറ്റോ ആയാലും ഏത് ഭാഷയിലായാലും അത് തന്നെയാണ് വിധി. എന്നാല്‍, ജനങ്ങള്‍ ഉത്തമമായ ആ കാര്യങ്ങള്‍ ചെയ്യാതെ വെറുതെ ഇരിക്കുകയോ വളരെ ഗൌരവതരമായ മറ്റു വല്ല കാര്യങ്ങള്‍ ശ്രദ്ധയില്‍ പെടുത്താനുണ്ടാവുകയോ അപകടകരമായ മറ്റു വല്ല സംസാരങ്ങളിലോ മറ്റോ ജനങ്ങള്‍ പെട്ടുപോവുമോ എന്ന് ഭയക്കുകയോ ചെയ്താല്‍ ആ സമയത്ത് പ്രസംഗിക്കാവുന്നതാണ്. ചുരുക്കത്തില്‍, കേള്‍ക്കുന്നവര്‍ക്കും പ്രതിപാദിക്കുന്ന വിഷയത്തിനും പ്രാധാന്യത്തിനും സാഹചര്യത്തിനും അനുസരിച്ച് ഇതിന്റെ വിധിയില്‍ മാറ്റം വരുമെന്നര്‍ത്ഥം. കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.