Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രങ്ങള്‍ വര്‍ഷിച്ചുകൊണ്ടിരിക്കട്ടെ. ഫിത്റ് സകാത് നാട്ടിലെ മുഖ്യഭക്ഷണപദാര്‍ത്ഥം തന്നെ നല്‍കണമെന്നാണ് ശാഫിഈ മദ്ഹബിന്റെ അഭിപ്രായം. ഭൂരിഭാഗ പണ്ഡിതരും ഇതേ അഭിപ്രായക്കാരാണ്. എന്നാല്‍ ഹനഫീമദ്ഹബ് പ്രകാരം പണമായും നല്‍കാം. അരിയോ മറ്റോ വാങ്ങാന്‍ ആളുകളെ കിട്ടാതിരുന്നാല്‍ നാട്ടിലേക്ക് നീക്കം ചെയ്യാവുന്നതാണ്. ഹനഫീ മദ്ഹബ് സ്വീകരിച്ച് കാശ് നല്‍കാവുന്നതുമാണ്. 200 ദി൪ഹം വെള്ളിക്ക് തുല്യമായ സമ്പത്തിന് ഉടമയായാല്‍ മാത്രമേ ഹനഫീ മദ്ഹബില്‍ ഫിത്വ൪ സകാത് നല്‍കേണ്ടതുള്ളൂ. വ്യക്തി ഏത് നാട്ടിലാണോ അവിടെയാണ് ഫിത്റ് സകാത് നല്‍കേണ്ടത്. ആ നാട്ടിലെ സാധാരണഭക്ഷണപദാര്‍ത്ഥമാണ് സകാത് ആയി നല്‍കേണ്ടത്. എന്നാല്‍ അവിടെ സകാത് സ്വീകരിക്കാ൯ ആളില്ലാതെ വരുന്ന പക്ഷം, മറ്റൊരു നാട്ടില്‍ അത് നല്‍കാന്‍ ആരെയെങ്കിലും ചുമതലപ്പെടുത്താവുന്നതാണ്. അങ്ങനെ ചുമതലപ്പെടുത്തുന്ന പക്ഷം, നിയ്യത് ചെയ്യാനും അവരെ ചുമതലപ്പെടുത്തണം.   കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.