തുപ്പല്‍ കലര്‍ന്ന വെള്ളം കൊണ്ട് മുഖം കഴുകി ആ വെള്ളം പള്ളിയിലായാല്‍ പള്ളിയില്‍ മ്ലേച്ചത പുരട്ടിയ ഹറാം വരുമോ? തുമ്മുമ്പോള്‍ പള്ളിയില്‍ പുരണ്ടാല്‍ എന്താണ് വിധി? നീരൊലിക്കുന്ന മുറിവുമായി പള്ളിയില്‍ പ്രവേശിക്കാമോ? ജലദോശമുള്ളവന്‍ പള്ളിയില്‍ പ്രവേശിക്കാമോ

ചോദ്യകർത്താവ്

മുഹമ്മദ്

Aug 25, 2016

CODE :

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രഹങ്ങള്‍ വര്‍ഷിച്ചുകൊണ്ടിരിക്കട്ടെ. മുഖം കഴുകിയ തുപ്പല്‍ കലര്‍ന്ന വെള്ളം പള്ളിയില്‍ പുരണ്ടാല്‍ പള്ളിയില്‍ തുപ്പല്‍ പുരട്ടിയ ഹറാം വരില്ല. തുമ്മിയത് മൂലം അവശിഷ്ടങ്ങള്‍ പള്ളിയില്‍ പുരണ്ടാല്‍ ആ ഭാഗം തുടച്ച് വൃത്തിയാക്കണം. അവിടെ സുഗന്ധം പൂശല്‍ സുന്നതാണ്. പള്ളിയില്‍ തുപ്പിയാല്‍ അത് മണ്ണില്‍ മൂടലാണ് അതിനുള്ള പ്രതിവിധിയെന്ന് നബിതങ്ങള്‍ പറഞ്ഞിട്ടുണ്ട്. അന്നത്തെ സാഹചര്യത്തിലുള്ള പള്ളികളെ കുറിച്ചാണ് നബിതങ്ങള്‍ അങ്ങനെ പറഞ്ഞത്. ഇന്ന് അത് മറ്റു നിലക്കു ശുദ്ധിയാക്കുകയാണ് വേണ്ടത്. ജലദോഷം കാരണം മൂക്ക് ഒലിച്ച് കൊണ്ടിരിക്കുന്നവന്‍ പള്ളിയില്‍ പുരളുമെന്ന് ഭയന്നാല്‍ പള്ളിയില്‍ പ്രവേശിക്കരുത്. മ്ലേച്ചമായ വസ്തുക്കള്‍ക്കും മൂത്രത്തിനും യോജിച്ച സ്ഥലമല്ല പള്ളി അത് ദിക്റ് ചൊല്ലാനും ഖുര്‍ആനോതാനുമുള്ളതാണെന്ന് ഹദീസില്‍ കാണാം. മ്ലേച്ചമായത് എന്നാല്‍ നജസായതും നജസല്ലാത്ത മ്ലേച്ചമായ വസ്തുക്കളും ഉള്‍പെട്ടതാണ്. ശരീരത്തില്‍ നീരൊലിച്ച് കൊണ്ടിരിക്കുന്ന മുറിവുള്ളവന്‍ നീര് പള്ളിയില്‍ പുരളുമെന്ന് പേടിച്ചാല്‍ പള്ളിയില്‍ പ്രവേശിക്കരുതെന്ന് പണ്ഡിതര്‍ രേഖപ്പെടുത്തിയിട്ടുണ്ട്. മുറിയില്‍ നിന്നൊലിക്കുന്ന നീര് ശുദ്ധിയുള്ളതാണെന്നാണ് പണ്ഡിതമതം. അതേ വിധിതന്നെയാണ് മൂക്കില്‍ നിന്നൊലിക്കുന്നതിനും വരുക. കൂടുതലറിയാനും അതനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ .

ASK YOUR QUESTION

Voting Poll

Get Newsletter