Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രഹങ്ങള്‍ വര്‍ഷിച്ചുകൊണ്ടിരിക്കട്ടെ. പുരുഷന്മാര്‍ക്ക് സ്വര്‍ണ്ണാഭരണം നിഷിദ്ധമാണെന്ന് പറയുന്നിടത്ത്, വെള്ളിയുടെ മോതിരം ധരിക്കല്‍ സുന്നതാണെന്നത് പ്രത്യേകം പറയുന്നുണ്ട്. വലതു കൈയ്യില്‍ ധരിക്കലാണ് സുന്നത്. കല്ലുള്ള മോതിരവും അല്ലാത്തതും അനുവദനീയം തന്നെയാണ്.  നബി സ്വ ധരിച്ചിരുന്ന മോതിരത്തിനു വെള്ള് കൊണ്ടുള്ള കല്ല് (فص) ഉണ്ടായിരുന്നു. മറ്റു ചില സമയങ്ങളില്‍ അഖീഖിന്റെ കല്ലുമുണ്ടായിരുന്നു എന്ന് കാണാം. അപ്പോള്‍ നബി (സ്വ) യോട് പൂര്‍ണമായി പിന്പറ്റുന്നതിനായി മോതിരത്തില്‍ കല്ലു കൂടെ ഉണ്ടാവണം. നബി (സ്വ) കല്ലു വെച്ചിരുന്നു എന്നത് കൊണ്ട് അത് സുന്നതാണ് എന്നും പറയാം. കല്ലുള്ളതാണെങ്കില്‍ അത് കൈയ്യിന്‍റെ ഉള്‍ഭാഗത്തേക്ക് ആവും വിധം ധരിക്കലും സുന്നതാണെന്ന് തുഹ്ഫ പോലോത്ത ഗ്രന്ഥങ്ങളില്‍ പറയുന്നുണ്ട്. ആരാധനാകര്‍മ്മങ്ങള്‍ യഥാവിധി നിര്‍വ്വഹിക്കാന്‍ നാഥന്‍ തുണക്കട്ടെ.