വിഷയം: നിസ്കാരം
നിസ്കാരത്തിൽ സുജൂദിൽ നിന്ന് എഴുന്നേറ്റ് നിന്നാൽ കൈ കെട്ടണമല്ലോ. പക്ഷേ, കൈ കെട്ടുന്നതിന് മുന്നേ ഫാത്തിഹ ഓതുന്നത് കൊണ്ട് കറാഹത് വരുമോ?
ചോദ്യകർത്താവ്
Farhan
Jul 5, 2026
CODE :Pra16368
അല്ലാഹുവിന്റെ തിരുനാമത്തില്, അവന് ആണ് സര്വ്വ സ്തുതിയും, പ്രവാചകരുടെയും കുടുംബത്തിന്റെയും മേല് അല്ലാഹുവിന്റെ അനുഗ്രങ്ങള് വര്ഷിച്ചുകൊണ്ടിരിക്കട്ടെ
നിസ്കാരത്തിൽ സുജൂദിൽ നിന്ന് എഴുന്നേറ്റ് പൂർണ്ണമായി നിവർന്നു നിന്ന ശേഷം കൈകൾ നെഞ്ചിന് താഴെയായി കെട്ടുകയും, അതിനുശേഷം മാത്രം ഫാത്തിഹ ഓതുകയുമാണ് ചെയ്യേണ്ടത്. നിൽക്കുമ്പോൾ കൈകൾ കെട്ടുക എന്നത് നിസ്കാരത്തിലെ പ്രധാനപ്പെട്ട ഒരു സുന്നത്തായ രൂപമാണ് (ഹൈഅത്ത്). പൊതുവെ, സുന്നത്ത് നഷ്ടപ്പെടുന്നതുകൊണ്ട് അത് കറാഹത് വരില്ല എന്നാണ് പ്രബലം (കറാഹതായി വരുന്ന രൂപങ്ങളും ഉണ്ട്). അതിനാൽ ഇവിടെ കറാഹത് വരില്ലെന്ന് മനസ്സിലാക്കുക. എന്നാൽ, ഇങ്ങനെ ഓതുന്നത് കൊണ്ട് നിസ്കാരം ബാത്വിലാവുകയോ ഫാത്തിഹ വീണ്ടും ഓതേണ്ടി വരികയോ ഇല്ല. നിസ്കാരം ശരിയാകുമെങ്കിലും പ്രതിഫലം കുറയാൻ അത് കാരണമാകും. അതിനാൽ പൂർണ്ണമായി എഴുന്നേറ്റ് നിന്ന് കൈകൾ യഥാവിധി കെട്ടിയതിന് ശേഷം മാത്രം ഫാത്തിഹ ഓതാൻ ശ്രദ്ധിക്കുക.
ഈമാനോടെ ജീവിക്കാനും ഈമാനോടെ മരിക്കാനും നാഥന് തുണക്കട്ടെ
