കൊറോണവ്യാപനത്തെ വര്‍ഗഗീയവത്ക്കരുത് -ഡി. രാജ
.jpeg)
ന്യൂഡല്‍ഹി: ലോക്ഡൗണ്‍ പ്രഖ്യാപിക്കുന്നതിന് മുമ്പ് ദക്ഷിണ ഡൽഹിയിലെ മർക്കസ് നിസാമുദ്ദീൻ
നടന്ന തബ്ലീഗ് ജമാഅത്ത് സമ്മേളനത്തെ പഴിചാരി കൊറോണവ്യാപനത്തെ വര്‍ഗീയവത്കരിക്കുന്ന ബി.ജെ.പി നിലപാടിനെതിരെ സി.പി.ഐ ജനറല്‍ സെക്രട്ടറി ഡി. രാജ.
കൊറോണ വൈറസിനെതിരായ പോരാട്ടം പോലും ഹിന്ദു-മുസ്‌ലിം പ്രശ്‌നമാക്കി മാറ്റാനുള്ള ശ്രമം നടക്കുന്നതായി രാജ പറഞ്ഞു.
രാമായണവും മഹാഭാരതവും പുന:സംപ്രേഷണം ചെയ്തുകൊണ്ടാണ് കൊറോണയുടെ വര്‍ഗീയ മുതലെടുപ്പ് തുടങ്ങിയതെന്ന് ചൂണ്ടിക്കാട്ടിയ അദ്ദേഹം ഇപ്പോള്‍ വൈറസ് പടരുന്നതിന് ഒരു സമൂഹത്തെ ഒറ്റപ്പെടുത്തുന്ന പ്രവണതയാണ് കാണുന്നതെന്നും അദ്ദേഹം വിമർശിച്ചു. ആരോഗ്യ വിപത്തിനെ സാമുദായിക പ്രശ്‌നമായി ചുരുക്കരുത്. പരിശോധന സൗകര്യങ്ങള്‍ വര്‍ധിപ്പിക്കാനും വൈറസ് വ്യാപനം തടയാനുമാണ് സര്‍ക്കാര്‍ ശ്രമിക്കേണ്ടത്. ഇതൊരു മാനുഷിക ദുരന്തമാണ്, മതത്തെ തകര്‍ക്കാനുള്ള സമയമല്ല -അദ്ദേഹം പറഞ്ഞു.
Leave A Comment