ഡൽഹി കലാപത്തിൽ വൻ പ്രതിഷേധവുമായി ലണ്ടൻ നഗരം
.jpeg)
പാരിസിലും ബര്‍ലിനിലും അടക്കം യൂറോപ്പിലെ 17 നഗരങ്ങളില്‍ അരങ്ങേറുന്ന പ്രതിഷേധ പരിപാടികൾക്ക് തുടർച്ചയായാണ് ലണ്ടനിൽ വിദ്യാര്‍ഥികളും മനുഷ്യാവകാശ പ്രവര്‍ത്തകരും പ്രക്ഷോഭവുമായി തെരുവിലേക്കിറങ്ങിയത്. 'ദ ഇന്‍ഡ്യ സൊസൈറ്റി അറ്റ് ദ സ്കൂള്‍ ഒാഫ് ഒാറിയന്‍റല്‍ ആന്‍ഡ് ആഫ്രിക്കന്‍ സ്റ്റഡീസ് (SOAS)', 'സൗത്ത് ഏഷ്യന്‍ സ്റ്റുഡന്‍റ്സ് ഏഗെയ്ന്‍സ്റ്റ് ഫാസിസം ആന്‍ഡ് സൗത്ത് ഏഷ്യ സോളിഡാരിറ്റി ഗ്രൂപ്പ്' തുടങ്ങിയ സംഘടനകളുടെ നേതൃത്വത്തിലായിരുന്നു ലണ്ടനിലെ പ്രക്ഷോഭം.
ഡല്‍ഹി കലാപത്തിലെ ഇരകൾക്ക് ഐക്യദാർഢ്യം അറിയിച്ചുകൊണ്ടാണ് വിദ്യാര്‍ഥികളടക്കം ഇവിടെ ഒരുമിച്ച്‌ കൂടിയത്. ആഭ്യന്തര മന്ത്രി അമിത് ഷാ രാജിവെക്കുക, കലാപത്തിന് വഴിമരുന്നിട്ട ബി.ജെ.പി നേതാക്കളെ അറസ്റ്റ് ചെയ്യുക തുടങ്ങിയ ആവശ്യങ്ങള്‍ പ്രക്ഷോഭകര്‍ ഉന്നയിച്ചു. ഡല്‍ഹിയിലെ അക്രമങ്ങളുടെ പശ്ചാത്തലത്തില്‍ ബ്രിട്ടീഷ് സര്‍ക്കാര്‍ നരേന്ദ്ര മോദി സര്‍ക്കാറിനെ പ്രതിഷേധം അറിയിക്കണമെന്നും ലോകം ഈ അക്രമങ്ങള്‍ക്കെതിരെ പ്രതിഷേധിച്ചില്ലെങ്കില്‍ പ്രത്യാഘാതങ്ങള്‍ ഭീകരമായിരിക്കുമെന്നും പ്രക്ഷോഭകര്‍ പറഞ്ഞു.
Leave A Comment