തൊഴിലാളികളുടെ പ്രതിഷേധത്തെ പള്ളിയുമായി ചേർത്ത് വർഗീയ പ്രചരണം: അര്‍ണബ് ഗോസ്വാമിക്കെതിരെ കേസ്
.jpeg)
മുംബൈ: വര്‍ഗീയവിദ്വേഷം പ്രചരിപ്പിച്ചതിന് റിപബ്ലിക് ടി.വി മേധാവി അര്‍ണബ് ഗോസ്വാമിക്കെതിരെ മുംബൈ പൊലീസ് പുതിയ കേസ് രജിസ്റ്റര്‍ ചെയ്തു.
ബാന്ദ്ര റയില്‍വേ സ്റ്റേഷന് സമീപം തൊഴിലാളികൾ പ്രതിഷേധിച്ച സംഭവത്തെ അടുത്തുള്ള മുസ്‌ലിം പള്ളിയുമായി ചേര്‍ത്ത് വ്യാജവാര്‍ത്ത പ്രചരിപ്പിച്ചെന്ന പരാതിയിലാണ് കേസ്. റാസ എഡ്യുക്കേഷന്‍ വെല്‍ഫയര്‍ സൊസൈറ്റി സെക്രട്ടറി ഇര്‍ഫാന്‍ അബൂബക്കര്‍ ശൈഖാണ് വർഗീയത പ്രചരിപ്പിച്ചതിന്റെ പേരിൽ പരാതി നല്‍കിയിരിക്കുന്നത്.
മുംബൈയിലെ പൈധോണി പൊലീസാണ് എഫ്.ഐ.ആര്‍ രജിസ്റ്റര്‍ ചെയ്തത്. സംഭവത്തിൽ
വിശദ അന്വേഷണം നടക്കുകയാണെന്നും ഇതിനായി ടി.വി ദൃശ്യങ്ങള്‍ ശേഖരിച്ചിട്ടുണ്ടെന്നും പൈധോണി പൊലീസ് സ്റ്റേഷന് ഓഫീസര്‍ അറിയിച്ചു.
ബാന്ദ്ര റയില്‍വേ സ്റ്റേഷനില്‍ നടന്ന പ്രതിഷേധവും മസ്ജിദും തമ്മില്‍ ഒരു ബന്ധവുമില്ലാതിരുന്നിട്ടും പള്ളിക്കുമുമ്പിലുള്ള തുറന്നസ്ഥലത്ത് തൊഴിലാളികള്‍ ഒരുമിച്ച് കൂടിയതിന്റെ പേരിൽ വര്‍ഗീയത പടര്‍ത്താനായി പള്ളിയെ സംഭവത്തിലേക്ക് വലിച്ചിഴച്ച് അര്‍ണബ് വ്യാജവാർത്ത പുറത്തുവിടുകയായിരുന്നുവെന്ന് പരാതിക്കാരന്‍ ശൈഖ് പൊലീസിന് മൊഴി നല്‍കി.
Leave A Comment