വിദ്വേഷ പ്രസംഗം: ബിജെപി നേതാക്കള്‍ക്കെതിരേ കേസെടുക്കുന്നതിന് തടസ്സമെന്തെന്ന് സുപ്രീംകോടതി
.jpeg)
വിദ്വേഷ പ്രസംഗം നടത്തിയവർക്കെതിരെ കേസെടുക്കുന്നത് അനന്തമായി നീട്ടിവച്ച ഡല്‍ഹി ഹൈക്കോടതി നടപടിയെയും കോടതി വിമര്‍ശിച്ചു. കലാപം സംബന്ധിച്ച ഹര്‍ജി വെള്ളിയാഴ്ച പരിഗണനക്ക് എടുക്കണമെന്നും അടിയന്തരമായി തീര്‍പ്പുണ്ടാക്കണമെന്നും സുപ്രീംകോടതി ഉത്തരവിട്ടു. കേസെടുക്കുന്ന വിഷയത്തില്‍ ഡല്‍ഹി ഹൈക്കോടതിയില്‍ പറഞ്ഞ സമാനവാദങ്ങള്‍ തന്നെയാണ് സുപ്രീംകോടതിയിലും കേന്ദ്ര സര്‍ക്കാര്‍ നിരത്തിയത്. കേസെടുക്കില്ലെന്ന് പറഞ്ഞിട്ടില്ലെന്നും നിലവിലെ സ്ഥിതിയില്‍ കേസെടുക്കുന്നത് കൂടുതല്‍ സംഘര്‍ഷങ്ങള്‍ക്ക് കാരണമായേക്കുമെന്നുമാണ് കേന്ദ്ര സര്‍ക്കാരിന്‍റെ നിലപാട്. സർക്കാർ നിലപാട് അംഗീകരിച്ച് വിദ്വേഷ പ്രസംഗകർക്കെതിരെ കേസെടുക്കാത്ത സമീപനമായിരുന്നു ഹൈക്കോടതി സ്വീകരിച്ചത്. ഹൈക്കോടതിയിൽ നിന്ന് വ്യത്യസ്തമായി ഈ നിലപാട് പൂർണ്ണമായും തള്ളിക്കളഞ്ഞാണ് സുപ്രീംകോടതി കേസെടുക്കുന്നതിന്റെ തടസ്സം എന്തെന്ന് ചോദിച്ചത്.
Leave A Comment