ജസ്റ്റിസ് മുരളീധറിന് ഗംഭീര യാത്രയയപ്പ് നൽകി ഡൽഹി ഹൈക്കോടതി
ന്യൂഡല്‍ഹി: ഡൽഹി കലാപത്തിന് വഴി മരുന്നിട്ട
ബി.ജെ.പി നേതാക്കള്‍ക്കെതിരെ കേസെടുക്കാനും പരിക്കേറ്റവർക്ക് അടിയന്തിരമായി ചികിത്സ നൽകാനും
പോലീസിനോട് ആവശ്യപ്പെട്ടതിന്റെ പേരിൽ അർധ രാത്രി തന്നെ പഞ്ചാബിലേക്ക് സ്ഥലം മാറ്റപ്പെട്ട ജസ്റ്റിസ് എസ്. മുരളീധറിന് ഡല്‍ഹി ഹൈക്കോടതിയില്‍ ഗംഭീര യാത്രയയപ്പ്.
'നിയമത്തിന്‍റെ ഏത് തലവും കൈകാര്യം ചെയ്യാനാകുന്ന ഉന്നതനായ ന്യായാധിപനെയാണ് നമുക്ക് നഷ്ടമാകുന്നത്' - ഡല്‍ഹി ഹൈകോടതി ചീഫ് ജസ്റ്റിസ് ഡി.എന്‍. പാട്ടീല്‍ യാത്രയയപ്പ് ചടങ്ങില്‍ പറഞ്ഞു.
ഡല്‍ഹി കലാപവുമായി ബന്ധപ്പെട്ട ഹരജി പരിഗണിക്കുമ്പോള്‍ ജസ്റ്റിസ് മുരളീധര്‍ പൊലീസിനെതിരെ രൂക്ഷമായ വിമര്‍ശനവും
ഉന്നയിച്ചിരുന്നു.
ഡല്‍ഹി ഹൈക്കോടതിയിലെ 'കോഹിനൂര്‍' ആണ് നൂറുകണക്കിന് കിലോമീറ്റര്‍ അപ്പുറത്തേക്ക് പോകുന്നതെന്നാണ് ഡല്‍ഹി ഹൈക്കോടതി ബാര്‍ അസോസിയേഷന്‍ സെക്രട്ടറി അഭിജാത്ത് യാത്രയയപ്പ് ചടങ്ങില്‍ പറഞ്ഞത്. നീതി വിജയിക്കുക തന്നെ ചെയ്യുമെന്ന് മറുപടി പ്രസംഗത്തില്‍ ജസ്റ്റിസ് മുരളീധര്‍ പറഞ്ഞു.
Leave A Comment