ജമ്മു കശ്മീരിലെ ഡി.വൈ.എസ്.പിക്കെതിരെ ഒടുവിൽ യു.എ.പി.എ
മുന്‍ ഡി.വൈ.എസ്.പി ദേവീന്ദര്‍ സിങ്ങിനൊപ്പം പിടിയിലായ രണ്ടു ഹിസ്ബുല്‍ ഭീകരരായ നവീദ് മുസ്താഗ്, റാഫി അഹമ്മദ്, നിയമവിദ്യാര്‍ഥി ഇര്‍ഫാന്‍ ഷാഫി മിര്‍, മറ്റു രണ്ടു പ്രതികളായ തന്‍വീര്‍ അഹമദ് വാനി, സദീദ് ഇര്‍ഫാന്‍ എന്നിവര്‍ക്കെതിരെയാണ് കുറ്റപത്രം സമര്‍പ്പിച്ചത്.
യു.എ.പി.എ, ആയുധം കൈവശം വെക്കല്‍, സ്ഫോടക വസ്തു സൂക്ഷിക്കല്‍ എന്നിവ പ്രകാരമുള്ള കുറ്റങ്ങളാണ് ചുമത്തിയിരിക്കുന്നത്. ജനുവരിയില്‍ ശ്രീനഗര്‍ -ജമ്മു ദേശീയപാതയില്‍ ദേവീന്ദര്‍ സിങ്ങിനെ രണ്ട് ഭീകരര്‍ക്കൊപ്പം പിടികൂടുകയായിരുന്നു. തീവ്രവാദികള്‍ക്കൊപ്പം ദേവീന്ദര്‍ സിങ് സഞ്ചരിച്ച കാറില്‍നിന്ന് അഞ്ച് ഗ്രനേഡുകളും വസതിയില്‍ നടത്തിയ പരിശോധനയില്‍ രണ്ട് എ.കെ 47 തോക്കുകളും കണ്ടെടുത്തിരുന്നു.
പാർലമെന്റ് ആക്രമണ കേസിലെ പ്രതിയായി തൂക്കിലേറ്റപ്പെട്ട അഫ്സൽ ഗുരു ഇയാളാണ് തന്നെ കുടുക്കിയതെന്ന് നിരവധി തവണ ചോദ്യം ചെയ്യലിനിടെ പറഞ്ഞിരുന്നെങ്കിലും ഉദ്യോഗസ്ഥർ അവ ഗൗനിച്ചിരുന്നില്ല.
Leave A Comment