ജോ ബൈഡന്റെ വിജയം: യു.എസിന്റെ നയത്തില്‍ മാറ്റം വരുമെന്ന് പ്രതീക്ഷയെന്ന് ഇറാൻ, ലോകത്തിന് വീണ്ടും ശ്വസിക്കാന്‍ കഴിയണമെന്ന് ഫലസ്തീൻ
വാഷിങ്ടണ്‍: പുതിയ അമേരിക്കൻ പ്രസിഡന്റായി ജോ ബൈഡൻ തെരഞ്ഞെടുക്കപ്പെട്ടതോടെ ലോകരാജ്യങ്ങള്‍ അദ്ദേഹത്തെ അഭിനന്ദിച്ച്‌ രംഗത്തെത്തി.
വിനാശകരമായ യു.എസിന്റെ നയത്തില്‍ മാറ്റം വരുമെന്ന് ഇറാന്‍ വൈസ് പ്രസിഡന്‍റ് ഇഷാഖ് ജഹാങ്കരി പ്രതീക്ഷ പ്രകടിപ്പിച്ചു. യു.എസിന്റെ നയങ്ങളില്‍ വ്യതിയാനമുണ്ടാകുമെന്നും അന്താഷ്ട്ര നിയമങ്ങളേയും കരാറുകളേയും അവര്‍ മാനിക്കുമെന്നും പ്രതീക്ഷിക്കുന്നതായി ഇറാന്‍ വൈസ് പ്രസിഡന്‍റിനെ ഉദ്ധരിച്ച്‌ മാധ്യമങ്ങള്‍ റിപ്പോര്‍ട്ട് ചെയ്തു.
ലോകത്തിന് വീണ്ടും ശ്വസിക്കാന്‍ കഴിയണമെന്നായിരുന്നു ഫലസ്തീന്‍ ലിബറേഷന്‍ ഓര്‍ഗനൈസേഷന്‍ അംഗവും നേതാവുമായ ഹനാന്‍ അശ്ഹരാവിയുടെ ട്വീറ്റ്. ട്രംപിന്റെ നയങ്ങളെ സൂക്ഷ്മമായി പരിശോധിച്ച്‌ അതിന് പകരം മനുഷത്വവും നിയമപരവുമായ കാര്യങ്ങള്‍ നടപ്പിലാക്കണമെന്നും അവര്‍ ആവശ്യപ്പെട്ടു.
Leave A Comment