യോഗി സർക്കാറിന് മുമ്പിൽ നട്ടെല്ല് വളക്കില്ല- ഡോ: കഫീൽ ഖാൻ
"ജയില്‍ മോചിതനാക്കാന്‍ ഉത്തരവിട്ട അലഹാബാദ് ഹൈകോടതിയോട് നന്ദി രേഖപ്പെടുത്തുന്നു. ഇത്തരം ക്രൂര നിയമങ്ങള്‍ക്ക് ഇരയായി ജയിലില്‍ കിടക്കുന്നവര്‍ക്ക് മുമ്പില്‍ ഈ വിധി ഒരു മാതൃകയാണെന്നും കഫീല്‍ ഖാന്‍ കൂട്ടിച്ചേര്‍ത്തു. "ജയിലില്‍വെച്ച്‌ നിരന്തരം അപമാനിക്കുകയും ഉപദ്രവിക്കുകയും ചെയ്തു. ചിലപ്പോള്‍ വിചിത്ര ചോദ്യങ്ങള്‍ ചോദിച്ചെത്തി. ചില ദിവസങ്ങളില്‍ വിശപ്പ് മൂലം ഒരു രോഗിയെപ്പോലെ അലറിക്കരഞ്ഞിരുന്നു". അദ്ദേഹം കൂട്ടിച്ചേര്‍ത്തു. ലോക്ഡൗണ്‍ ഏര്‍പ്പെടുത്തിയതോടെ മാസങ്ങളോളം കുടുംബത്തെ കാണാന്‍ കഴിയാതെവന്നു. യു.പി സര്‍ക്കാരിന്‍റെ അധികാരപരിധിയില്‍വരുന്ന ജയിലിന്‍റെ നില വളരെ പരിതാപകരമാണ്. ഒരു ബാരക്കില്‍ 150ഓളം തടവുകാരെയാണ് പാര്‍പ്പിച്ചിരിക്കുന്നത്. സാമൂഹിക അകലം ഉള്‍പ്പെടെ പാലിക്കാന്‍ ബുദ്ധിമുട്ടായിരുന്നുവെന്നും ഡോ. കഫീല്‍ ഖാന്‍ പറഞ്ഞു.
തന്‍റെ അറസ്റ്റിനും ജയിലില്‍ അടച്ചതിനും പിന്നില്‍ മൂന്നു കാരണങ്ങളുണ്ടെന്ന് വിശ്വസിക്കുന്നതായും അദ്ദേഹം പറഞ്ഞു. ഗൊരഖ്പൂരിലെ ബി.ആര്‍.ഡി ആശുപത്രിയില്‍ ഓക്സിജന്‍റെ അഭാവം മൂലം ജീവന്‍ നഷ്ടപ്പെട്ട 60 കുഞ്ഞുങ്ങള്‍ക്ക് നീതി ലഭ്യമാകണമെന്ന് താന്‍ ആവശ്യപ്പെട്ടിരുന്നു. അതിനുശേഷം യോഗി ആദിത്യനാഥ് സര്‍ക്കാറിനെ ആരോഗ്യ രംഗത്തെ അശ്രദ്ധയും അഴിമതിയും ചൂണ്ടിക്കാട്ടി പ്രതികൂട്ടില്‍ നിര്‍ത്തി. പിന്നീട് നിരന്തരം മെഡിക്കല്‍ ക്യാമ്ബുകള്‍ നടത്തുകയും രാജ്യത്തെ ആരോഗ്യ സംവിധാനങ്ങളുടെ പിഴവ് ചൂണ്ടിക്കാണിക്കുകയും ചെയ്തു. ഇക്കാരണങ്ങളാകാം യു.പി സര്‍ക്കാറിനെ പ്രകോപിച്ചതെന്നും അദ്ദേഹം വിശ്വസിക്കുന്നു.
Leave A Comment