സി.ബി.എസ്.ഇ സിലബസ് മാറ്റൽ: ബി.ജെ.പി ഒളിയജണ്ട പുറത്തെടുക്കുന്നു- ഇ.ടി. മുഹമ്മദ് ബഷീര്‍ എം.പി
ഒഴിവാക്കിയ ഭാഗങ്ങളില്‍ പൗരത്വം, മതനിരപേക്ഷത, ജി.എസ്.ടി, നോട്ട് നിരോധനം തുടങ്ങി പ്രധാന വിഷയങ്ങളെല്ലാം ഉള്‍പ്പെടുന്നുവെന്ന് ചൂണ്ടിക്കാട്ടിയ അദ്ദേഹം ജനാധിപത്യ അവകാശങ്ങള്‍ സംബന്ധിച്ച ഭാഗം പൂര്‍ണമായും ഒഴിവാക്കിയതായും കുറ്റപ്പെടുത്തി. തങ്ങള്‍ക്ക് എന്തെല്ലാം അവകാശ-അധികാരങ്ങള്‍ ഉണ്ട് എന്ന് കുട്ടികള്‍ പഠിച്ചാല്‍ അത് ഏകാധിപത്യ പ്രവണതക്കുനേരെ വിരല്‍ ചൂണ്ടാന്‍ പുതിയ തലമുറക്ക് കരുത്തേകുമോ എന്ന സംശയം സ്വാഭാവികമായും ബി.ജെ.പിക്കുണ്ടാകും.
'മതനിരപേക്ഷ ജനാധിപത്യം' എന്ന വാക്ക് തന്നെ ഭരണഘടനയുടെ അടിസ്ഥാന തത്ത്വങ്ങളില്‍ നിന്ന് ഒഴിവാക്കണമെന്ന വാദം ഉയര്‍ത്തിയവരാണ് ബി.ജെ.പിയെന്ന് കുറ്റപ്പെടുത്തിയ അദ്ദേഹം ഈ നീക്കം രാജ്യത്തിന്‍റെ അടിസ്ഥാന പ്രമാണങ്ങളുടെ കടയ്ക്കല്‍ കത്തിവെക്കാനുള്ള നടപടി കൂടിയാണെന്നും പറഞ്ഞു.
Leave A Comment