പൗരത്വ ഭേദഗതി ബിൽ: എല്ലാ നിയമങ്ങളും വിവേചനരഹിതമായിരിക്കണമെന്ന് യുഎൻ സെക്രട്ടറി ജനറൽ
യുനൈറ്റഡ് നേഷൻസ്: നിയമങ്ങൾ വിവേചന രഹിതമായിരിക്കണമെന്ന് എല്ലാ സർക്കാറുകളും ഉറപ്പാക്കണമെന്ന് ഐക്യരാഷ്ട്രസഭ സെക്രട്ടറി ജനറൽ അന്റോണിയോ ഗുട്ടെറസ്.
ഇന്ത്യയുടെ പൗരത്വ ഭേദഗതി ബില്ലിൽ നിയമനിർമാണം ഇപ്പോഴും നടക്കുന്നതിനാൽ അഭിപ്രായം പറയുന്നില്ലെന്നും ഗുട്ടെറസിന്റെ വക്താവ് വ്യക്തമാക്കി. വിഷയത്തിൽ നിയമനിർമാണം പൂർത്തിയാകും വരെ അഭിപ്രായം പറയില്ലെന്നും ഗുട്ടെറസിന്റെ ഡെപ്യൂട്ടി വക്താവ് ഫർഹാൻ ഹഖ് പറഞ്ഞു.
അതേസമയം എല്ലാ സർക്കാറുകളും വിവേചനരഹിതമായ നിയമങ്ങൾ നിർമിക്കണമെന്നാണ് യു.എന്നിന്റെ നിലപാടെന്നും അദ്ദേഹം വ്യക്തമാക്കി. അയൽക്കാരായ ചില രാജ്യങ്ങളിൽനിന്ന് പീഡനത്തിനിരയായി എത്തുന്ന മതന്യൂനപക്ഷങ്ങളെ പരിഗണിക്കുകയാണ് ബില്ലിന്റെ ഉദ്ദേശ്യമെന്ന് ഇന്ത്യൻ വിദേശകാര്യ മന്ത്രാലയം വ്യക്തമാക്കി.
Leave A Comment