കർഷക പ്രക്ഷോഭകരും പൗരത്വ സമരക്കാരും തീവ്രവാദികൾ: നടി കങ്കണ റണൗത്തിനെതിരെ കര്‍ണാടക പൊലീസ് എഫ്.ഐ.ആര്‍
പൗരത്വ ഭേദഗതി നിയമത്തിനെതിരെ തെറ്റിദ്ധാരണയും അഭ്യൂഹവും പരത്തി കലാപത്തിന് വഴിവെച്ചവര്‍, കര്‍ഷക ബില്ലുമായി ബന്ധപ്പെട്ടും തെറ്റിദ്ധാരണ പരത്തി രാജ്യത്ത് തീവ്രവാദ പ്രവര്‍ത്തനത്തിന് കാരണക്കാരാവുകയാണെന്നും അവര്‍ തീവ്രവാദികളാണെന്നുമായിരുന്നു സെപ്റ്റംബര്‍ 21ന് കങ്കണയുടെ ട്വീറ്റ്. വിദ്വേഷപരമായ ട്വീറ്റിനെതിരെ അഭിഭാഷകനായ എന്‍. രമേശ് നായിക് നല്‍കിയ ഹരജിയെതുടര്‍ന്നാണ് പൊലീസിനോട് എഫ്.ഐ.ആര്‍ രജിസ്റ്റര്‍ ചെയ്യാന്‍ കോടതി ഉത്തരവിട്ടത്. കര്‍ഷക ബില്ലിനെ എതിര്‍ക്കുന്നവരെ വേദനിപ്പിക്കുന്നതാണ് നടിയുടെ വിവാദ ട്വീറ്റെന്നും ജനങ്ങള്‍ക്കിടയില്‍ മന:പൂര്‍വം പ്രശ്നം സൃഷ്ടിക്കാനാണ് ട്വീറ്റിലൂടെ ശ്രമിക്കുന്നതെന്നുമാണ് രമേശ് ഹരജിയില്‍ ചൂണ്ടികാട്ടിയത്. സംഘപരിവാറുമായി അടുത്ത ബന്ധം പുലർത്തുന്ന കങ്കണ സമീപകാലത്ത് മഹാരാഷ്ട്രയിൽ ഭരണം നടത്തുന്ന ശിവസേനയുമായി ഉടക്കിയിരുന്നു. ഭീഷണി നേരിടുന്നെന്ന് ചൂണ്ടിക്കാട്ടി കേന്ദ്രം അവർക്ക് സുരക്ഷയും ഏർപ്പെടുത്തിയിരുന്നു.
Leave A Comment