.സഊദിയില്‍ കൊറോണയുടെ പിടി അയയുന്നു.
റിയാദ്: കൊറോണ വ്യാപനം രൂക്ഷമാവുകയും ഗൾഫ് രാജ്യങ്ങളിൽ ഏറ്റവും കൂടുതൽ രോഗികൾ ഉണ്ടാവുകയും ചെയ്ത സഊദിയില്‍ കൊറോണയുടെ പിടി അയയുന്നു.
രാജ്യത്ത് രോഗ മുക്തി നേടുന്നവരുടെ എണ്ണത്തില്‍ വന്‍ വര്‍ധനവ് രേഖപ്പെടുത്തിയതോടെ ആശുപത്രികളില്‍ ചികിത്സയില്‍ കഴിയുന്നവരുടെ എണ്ണത്തില്‍ കുറവ് വന്നിട്ടുണ്ട്. കഴിഞ്ഞ 24 മണിക്കൂറിനിടെ രാജ്യത്ത് 5,488 പേർ രോഗ മുക്തരായതായി സഊദി ആരോഗ്യ മന്ത്രാലയം അറിയിച്ചു.
അതേസമയം, നിലവിൽ 42 രോഗികള്‍ മരണപ്പെടുകയും 2,671 പുതിയ രോഗ ബാധ സ്ഥിരീകരിക്കുകയും ചെയ്തിട്ടുണ്ട്. 2,221 രോഗികള്‍ അതീവ ഗുരുതരാവസ്ഥയിലുമാണ്.
രാജ്യത്ത് വൈറസ് ബാധയേറ്റ് 2,325 മരണമാണ് റിപ്പോർട്ട് ചെയ്തപ്പെട്ടത്. വൈറസ് ബാധിതര്‍ 240,474 ആയും ഉയര്‍ന്നിട്ടുണ്ട്. ഇന്ന് 5,488 രോഗികള്‍ രോഗ മുക്തി നേടിയതോടെ രാജ്യത്തെ ആകെ രോഗ മുക്തി നേടിയവരുടെ എണ്ണം 183,048 ആയും ഉയര്‍ന്നു.
Leave A Comment