ഡൽഹി കലാപം: അന്വേഷണ കമീഷനെ നിയമിക്കണമെന്നാവശ്യപ്പെട്ട് രാഷ്ട്രപതിക്ക് പ്രമുഖരുടെ കത്ത്
സുപ്രീംകോടതി അഭിഭാഷകനായ പ്രശാന്ത് ഭൂഷണ്‍, എ. സെല്‍വരാജ് ഐ.ആര്‍.എസ്, അഭിജിത് സെന്‍ഗുപ്ത ഐ.എ.എസ്, അഥിതി മെഹ്ത ഐ.എ.എസ്, ആരിഫ് ഗൗരി ഐ.ആര്‍.എസ്, അശോക് ബാജ്പേയി ഐ.എ.എസ്, ബ്രിജേഷ് കുമാര്‍ ഐ.എ.എസ്, ഷാഫി അസ്ലം ഐ.പി.എസ്, ആക്ടിവിസ്റ്റുകളായ നിഖില്‍ ദേ, അരുണ റോയ് എന്നിവരടങ്ങിയ പ്രഗല്‍ഭരാണ് കത്തില്‍ ഒപ്പുവെച്ചിരിക്കുന്നത്.
വടക്കുകിഴക്കന്‍ ഡല്‍ഹിയില്‍ പൗരത്വഭേദഗതി നിയമത്തിനെതിരെ സമരം നടത്തിയവർക്കെതിരെ സംഘ് പരിവാർ അക്രമികൾ ഫെബ്രുവരി 23 മുതല്‍ 26 വരെ അക്രമം അഴിച്ചുവിടുകയായിരുന്നു. ഇതിൽ 53 പേരാണ് കൊല്ലപ്പെട്ടത്. കലാപത്തിൽ പോലീസ് കൂട്ടുനിന്നതായും കലാപത്തിന് പിന്നില്‍ ആഭ്യന്തരമന്ത്രി അമിത് ഷായും ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥും ഉള്‍പ്പെടുന്ന ബി.ജെ.പി നേതാക്കൾക് പങ്കുള്ളതായും ഡല്‍ഹി ന്യൂനപക്ഷ കമീഷന്‍ നിയോഗിച്ച വസ്തുതാന്വേഷണ സംഘം കണ്ടെത്തിയിരുന്നു. ഈ റിപ്പോർട്ട് പുറത്തു വന്നതിനു പിന്നാലെയാണ് സർക്കാർ പുതിയ അന്വേഷണ കമ്മീഷനെ നിയമിക്കണമെന്ന ആവശ്യത്തിന് ശക്തി കൂടിയത്.
Leave A Comment